Deuteronomi 17:8 - Iaai Bible 1901 (New Caledonia)

⁸ Ame ne hmak köu ke ûnyi he ka owisa, hnyi ke dra me ke dra, ame ne ke û hnei me ke ûhnei, ame ne ke ukuc me ke ukuc, a ta je ûnyi hnân iwatretra hnyi je homagöulem: awe, u me he ka tot me he ka hnyi dok ame he Iehova Khongom ka ûca;

Deuteronomi 17:8 ပူးပေါင်းရင်းမြစ်များ

II. Samuela 15:2

Ke Abasoloma ame vesâ kong, kʼ ame tot hnyi getheniny homagöule: ke ame ne o ke at ae hu iwatretra me me he than ka owisa, me haba Abasoloma ame hawâ e, me ha, ka habe, U je mwi ua? Ke haingen, ka habe, Ûhek athnyabaem hnyi ke tribu hnyi je tribu Isaraela.

I. Man Ûlabainy Je Than. 26:29

Ûnyi ge at Izara, hamö Kenania me lakon he ka huliwa ehele hon hnyei Isaraela, hnân je homakan me tavat owisa.

Esodo 18:15

Ke haba Mose ame thu ka ûngon, ka habe, Anyin ame labö he könya tavat he ka hnö Kkong:

Esodo 18:26

Kʼ odrin e owisa ka tavat hnyi ta je ûen hia: ke haba ta je ûnyi ae hmak odrin e hom kö Mose, kʼ odrin e owisa biju ta je ûnyi ae ûhnyûkong hia.

Esodo 21:20

Ke a ne he ke at ka kot athnyabainy baga, ame ne momo, ge osö, me ame mokcu hnyi hmelen hnyamen: adre me he ka bi hwaban kâu.

Esodo 21:22

Ke a ne û li at me okongoâ momo a erkin, me ame köluhabû nokon, ke so bi e ca kong momo, me adre me he ka bi hwaban kâu hoton hna ha hnen âiân; kʼ ame he ka bi hwaban helâ me hna ha hnen hnyat owisa.

Esodo 21:28

Ke a ne he kau ka dâ at, a ne baga a ne momo, me me mokcu, me adre me he ka lûâ ge veto, kʼ adre me ca he ka an utiöiny: kʼ adre me he ka hna baûâ at ae tren kau.

Esodo 22:2

Adre ne kât at hnyi ûen e ame tiga venöu, ke adre kot moko e, me ba dra hnân bi hwaban.

Esodo 22:8

Kʼ adre me ne ca wâ at venöu, me adre me he ka hom at a umen uma ka hnyat owisa, mʼ adre me wâ thö, hawa, ame ne hia but inâ hnyamen ka hnyi tang omjehen at.

Ezekiela 44:24

Ke haba hnyi je ivinö, me adre me he ka tot me owisa; adre me he ka owisa hoton hnok hna owisa: ka adre me he ka tuö anyik je hnanyibu, me hnok je hna hûna hnyi anyik je bijeû hia adre thu; ke adre me he ka okabâ anyik je sabath.

Hagai 2:11

Walang hna ha hnö Iehova tuhan sabaoth, ka habe, Hnö thö walang ang tavat bihut hnyi hnanyibu, ka habe,

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Numera 35:11

me öbun e he ka kû ke je taun hnân je tauniny lubaduöng hobi köbun; me me he ka kec ka hnyin at ûhlingö wale at ame hlingâ at a utöteta.

Numera 35:16

Ke ame ne hia but kot moko e ge ut fao, awe, at ûhlingö e; ke adre me he ka hlingâ at ûhlingö.

Deuteronomi 1:17

Ca he öbun ka wâhmakhmetoâ hnyi ûhnei; e so öbun e löng wia hofuc hwan at ae gan me at ae ûhnyûkong; ca he öbun ka ot hnyi hnyimakan at; anyin a ûnyi ge Khong hna owisa: ke haba ûnyi ae hmak köbun, öbun e he ka hom könya mʼinye löng dö.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Deuteronomi 12:14

ke so thibi hnyi dok ame he Iehova ka ûca hnyi ânyâm ke tribu, ke u me he ka hudo eling ânyâm je hudiny leû, me ânyâ eling ta je ûnyi hia oge hûna köu.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 19:17

me hamödru a li at ivinö he ka tha tot hnyi hnyimakö Iehova, hnyi hnyimakan hnyat bihut, me hnyat owisa hnyi ûen eling;

Deuteronomi 19:4

Ke walang hwakecin at ame hlingâ at, a at ame he ka kec kâ e me me möt: haba at ame hlingâ ke at, ke ca ûnykûme he ka ânyâ, kʼ ame ca hûkötiâ ehac;

Deuteronomi 21:5

ke ame he ka ûhakekenyi ge tavat bihut a laku Levi; anyin a hia but Iehova Khongom ucʼ ödrin he ka huliwa kâu, me he ka hahnahicâ hnyi iö Iehova; ke adre me he ka owisa hoton hnödrin hna ha hnyi je ivinö hia me je ûkûc hia:

Deuteronomi 25:1

A NE hu ivinö anyin tavat, kʼ ödrin e hom ka hnyi hna owisa, kʼ adre me owisa ködrin; me adre me he ka haisoâ at ae wisa, me hangâ at ae kong;