Deuteronomi 17:3 - Iaai Bible 1901 (New Caledonia)

³ kʼ ame he me bi athnyabainy ke je khong me khudrung ködrin, ame ne seûno, ame ne tehi, ame ne ke ûnyi hnyi drany, wale oge ca hûna;

Deuteronomi 17:3 ပူးပေါင်းရင်းမြစ်များ

Genese 2:1

KE ame umo thö drany me hmeledrany me ta je ûnyi hia thithö eû hnyin.

II. Je Than 21:3

Anyin a e ame otilâ hmetu je dok ae görany waleji a ohia ga Hezekia a kamen; ke e ame otilâ je taben hut kö Baala, me ânyâ ke Aseira, helâ me hna ânyâ hnö Ahaba than Isaraela, me khudrung ka ta je ûnyi hia hnyi drany, me bi athnyabaidrin.

Esodo 22:20

Adre me he ka ti ohia at ame bi hut ka ke khong, ke ca kö Iehova.

Jeremia 19:5

me op je dok ae gorany anyi Baala, he ka thong je lakudra ge meic hnân hudiny leû kö Baala; waleji oge ca hûna, ke oge ca ha, ke oge ca ûnykûme;

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Deuteronomi 11:16

Wâ wia öbun, wâ e nye iyawâ je hnyekubun, mʼ öbun e saû bi, me bi athnyabainy je khong me khudrung ködrin;

Deuteronomi 17:4

ke adre thumetu u, ke u je löng ut e, me hamâm he ka elâm wia, ke, wâ bi, ame ne hnathu, ke manen dut a gʼ adre ânyâ hnyi Isaraela ûnyi eling ae ikiki;

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.