Deuteronomi 16:4 - Iaai Bible 1901 (New Caledonia)

⁴ Ke adre me ca he ka wâ leven unyâm hnyi seven ta bong hnyi em hnyei; kʼ adre me ca he ka ip ke ne o but hnyi; hnyomakatu ke keihen uthmeno u je hudo hnyi bong a bân hnyi sahac.

Deuteronomi 16:4 ပူးပေါင်းရင်းမြစ်များ

Esodo 12:10

Ke ca he ka ip ke keihen ke ne o but hnyomakatu; ke ka hu kolon bi hnyi hnyomakatu öbun e he ka le degecâ hnyi meic.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:6

kʼ öbun e he ka ânyâ ke ne o but hnyi bong a fortininy tehi eling: kʼ ame he ka ve hlingâ hnyi sahac hnen ûkhacaköu anyin lakon Isaraela hn.

Esodo 12:8

Ke haba utiö adre le hnyi meic, adre me he ka tha han hnyi lit eling, me areto adre ca levenâ bi; kʼ adre me he ka han me bi uten ge ta je bö ae hiny.

Esodo 13:7

Adre me he ka han areto adre ca levenâ hnyi je bong hia a seven; kʼ ame ca he ka hu unyâm areto adre levenâ, kʼ ame câ he ka hu leven unyâm, hnyi em hnyei hia.

Esodo 23:18

U ma ca he ka hudo könya dra tha e me areto adre levenâ; kʼ ame ca he ka laba ke ne o but hnyomakatu pipikhenyainy meno adre hudo könya.

Esodo 34:25

U me ca he ka hudo könya dren ânyâm hut a tha e me areto adre levenâ, ke ca he ka ip hudiny bijeûiny paseka ke ne o but hnyomakatu.

Mataio 13:33

Ke e ame ha hmetu kodra ke ûhöûcû, ka habe, Haba dokhon drany me ûcû me leven ame hom ke momo me ikhâlâ hnyi hnyin falawa a kun ta tulut, ke ne o but ame tha khibi hia thö.

Deuteronomi 16:5

U me ca he ka hudo paseka hnyi je hnyabam a ham köu Iehova Khongom: