Deuteronomi 16:3 - Iaai Bible 1901 (New Caledonia)

³ U me ca he ka tha han e me leven, u me he ka han e me areto adre ca levenâ hnyi je bong a seven, a aretoiny vec eling; anyin a u je he mweimwei ûhem hnyi hnyei Aigupito: mʼ u me he ka ûnykûme hnyi bongom ta je bong hia, ge bong u me he ûhem hnyi hnyei Aigupito.

Deuteronomi 16:3 ပူးပေါင်းရင်းမြစ်များ

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

Salamo 102:9

Anyin oge hia but an dröu helâ me jeû, Me ûthueniken belik me dân ecmak.

Salamo 111:4

E ame hia but wia me hnân ûnykûme anyin ta je huliwa hnân lâiâ: E menyik Iehova me unöngöt ge ibetengiö.

Salamo 127:2

E ûnyi baû hnobun hna vesâkong, me bec he ka mokut, Me an jeûiny huliwa ae hmak: Anyin a helâe e ame ham mokut kâ laoûnykûminy.

Esodo 12:11

Ke öbun e he ka han helâng, ka habe, öbun e he ka ca je hnyekubun, me bi taben je hnyeûcabun, me kât anyibun je uci: kʼ öbun e he ka han logot: wale paseka anyi Iehova.

Esodo 12:17

Ke öbun e he ka bijeûâ areto adre ca levenâ bi; anyin a haba hnyi bong eling, oge hia but hom köiöbun je köiö ûnyi hnyi hnyei Aigupito: anyin a wale öbun e he ka tuö bong e helâ me hnanyibu nyiele balua.

Esodo 12:39

Kʼ adre me le salawa adre op waleji adre hom ûnyi Aigupito, je ong areto adre ca levenâ bi, anyin adre ca levenâ: anyin adre obʼ odra ûnyi Aigupito, ke ca khanʼ odra bi he ka halubahingen, kʼ adre me ca bi kamec.

Esodo 12:8

Ke haba utiö adre le hnyi meic, adre me he ka tha han hnyi lit eling, me areto adre ca levenâ bi; kʼ adre me he ka han me bi uten ge ta je bö ae hiny.

Esodo 34:18

U me he ka tuö bijeûiny areto adre ca levenâ bi. Seven ta bong u me he ka han hnyin areto adre ca levenâ, hnyi tehi Abiba, helâ me hnök hna hûna köu: anyin a hnyi tehi Abiba u je he but ûhem Aigupito.

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Levitiko 23:6

Ke hnyi bong a fiftininy tehi eling, me wale bongon han areto adre ca levenâ kö Iehova: öbun e he ka han areto adre ca levenâ hnyi seven ta bong.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Numera 28:17

Ke hnyi bong a fiftininy tehi eling, me adre me he ka bijeû: adre me he ka han areto adre ca levenâ hnyi je bong a seven.

Numera 9:11

adre me he ka tuö e hnyi tehi a loiny hnyi bong a fortininy hnyi sahac; kʼ adre me he ka tha han e me areto adre ca levenâ, me je khölak ae hiny:

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

I. Korinito 5:8

anyin a wale, e so ate me he ka tuö bijeû, ca hnen leven adrem, ke ca hnen leveniny hnyok ae kong me hwakecin ae kong, ke so bi hnen areto adre ca levenâ bi wale hnyok ae wisa me hnathu.

Deuteronomi 16:2

Ke u me he ka hudo paseka kö Iehova Khongom, ûnyi hnyi je mamoe, me kau, hnyi dok ame he Iehova ka ûca hnân umen ien bi.

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

I. Thesalonika 1:6

Ke öbun e ûcûcûbingi öhmun, me Than minya, me kap hwan hofuc hnyi vec ae gan hmâ, me senyin ûnyi ge Hanu Kap;

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.