Deuteronomi 13:5 - Iaai Bible 1901 (New Caledonia)

⁵ Ke haba at eji, ame ne perofeta, kʼ ame ne at bwi, me adre me he ka hlingâ; anyin a e ame hia but ûkhin fuc kö Iehova Khongubun at ame hum öbun ûheny hnyi hnyei Aigupito, me ûcû u ûnyi hnyi hnyaba ae ûthaluo, he ka lili u ûnyi hnyi gethen waleji Iehova Khongom ame hûna köu he ka vheno. Me u ma he ka ohia helâe hulö unyâm.

Deuteronomi 13:5 ပူးပေါင်းရင်းမြစ်များ

I. Je Than 13:19

Me e ame tha hmetu më, me e ame ban areto me ijem, köiö.

I. Je Than 18:40

Me haba Elia ame ha, ka habe, Kât ju je perofeta anyi Baala, ca hna ke at a khaca he ka kec. Me ödrin e kot ödrin; ke Elia ame hum ödrin ka hnyi wagewe Kisona, me hlingʼ ödrin eling.

II. Man Ûlabainy Je Than. 34:31

Ke ame tot than hnyi hnen, me ânyâ ûhihinyköu hnyi hnyimakö Iehova; he ka hnu hotu Iehova, me tuö anyin je hnanyibu me hnen je hna ohnathoâ, me hûen je hna otilâ, ge hnyekon ae bekhot, me hanon ae bekhot, he ka ânyâ je hofuciny ûhihinyköu adre me sihnalimen hnyi tusi ang.

Jeremia 14:15

Anyin a wale walang hna ha hnö Iehova ge ta je perofeta, tavat adre me perofeta hnyi iök, ke oge ca kunʼ ödrin, ke so bi, ödrin e ha, ka habe, Ame ca he ka hu hele vat me hmiâ hnyi hnyei ang: Awe, adre me he ka ohia je perofeta eling ge hele vat me hmiâ.

Jeremia 29:32

anyin a wale, walang hna ha hnö Iehova, ka habe, Wâ bi, oge me he ka bi hwaban kö Semaia, me je mâtrâniny; ame ca he ka hu aten ame he ka laba unyin tavat ang, ke haba khaca e ame ca he ka hnyi wâ so, wale oge me he ka ânyâ ka lakeik, haingö Iehova, anyin a e ame hia but ha he ka ûkhin fuc me Iehova.

Jeremia 50:6

Haba je lakeik a hia but helâ me je mamoe a hia, a omonu ödra hnen tavat tuʼ ödra, adre hia but hna degeci ödra hon je bucen: adre me he monu hon je bucen me je hut, adre hnying ut hnödra hna menâ.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Zakaria 13:3

Ke ame ne perofeta hmetu ke at, ke ame ne ba kâu hnen kamen me hinyen, a li at ödre hnokoâ, ka habe, U me ca he ka möt; anyin a u me ha thoi hnyi iö Iehova: ke e ka perofeta, me ame he kamen me hinyen a li at ödre hnokoâ ka dâoâ e.

Ta je huliwa 13:8

Ke haba Eluma (adre me wia ien helâe) at bihihwakecin ame ivinö mödru, kʼ ame heleû deny he ka wia konesula ûnyi hnyi labageju.

I. Korinito 5:13

ke Khong ame owisa tavat adre me laba eû hnyöu? Obâ but unyibun at ae kong.

Deuteronomi 13:10

Ke u me he ka lûâ e ge veto, me me mokcu; can e ame heleû deny he ka thong u ûnyi ga Iehova Khongom, at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 13:15

me u me he ka ti kot tavat aten taun eling ge hele vat, me ti ohia, me ta je ûnyi hia hnyin e, me omenoiny hia, ge hele vat.

Deuteronomi 13:9

ke u me he bi ka hlingâ; u ma bâm ka ip hnyamâm hon he ka hlingâ, ke biliny bi je hnyamen tavat hia.

Deuteronomi 17:5

awe, u me he ka hom at eling ka hnyi homagöulem, ame ne baga, ame ne momo, at ame ânyâ ûnyi eling ae kong; ke u me he ka luʼ ödrin ge veto, ame ne baga ame ne momo, me me mokcu.

Deuteronomi 17:7

Ke ame he ka bân je hnyamen hnyat ohnatho hon he ka hlingâ, ke biliny bi je hnyamen tavat hia. Me waleling u me he ka ohia ta je ûnyi ae kong unyâm.

Deuteronomi 18:20

Ke haba perofeta ame he ka ha sheshamökâ ke hofuc hnyi iök, waleji oge me ca hûna kâu he ka ha; kʼ ame ne fuc hnyi ien ke je khong, awe, ame he ka mok perofeta eling.

Deuteronomi 19:19

awe, hamöbun he ka ânyâ kâu helâ me hnen hna ûnykûme he ka ânyâ ka liamekeiny mē: helâe u me he ka ohia hulö unyâm.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Deuteronomi 22:24

awe, öbun e he ka hum ödru ka hnyi homagouleny taun eling, me öbun e he ka luʼ ödru ge veto mʼ ödru me mokcu: haba hlu, me can e ame ca kuku ke e hnyi taun; ke haba baga, me can e ame okongo momo anyin ke at: helâe u me he ka ohia hulö ûnyi gam.

Deuteronomi 24:7

Adre me ne wâ ke at ame venâu liamekeiny mē a at Isaraela, ke ame ânyâ kâu helâ me ka at adre ûco, me ûco bi; awe ame he ka mokcu at venöu eling: helâe u me he ka ohia hulö unyâm.

Deuteronomi 26:14

oge me ca hia but han ûnyi hnyin hnyi ûen oge me tenge, me hom ûnyi hnyin iny ka bo kong, me ham ûnyi hnyin hobi kâu je komok: oge hia but löng hoton hofuc ho Iehova Khonguk, oge hia but ânyâ hia hoton hnâm hna hûna könya.

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Deuteronomi 7:4

Anyin a e ame he ka okâ nokom unyik, me me he ka bi athnyabainy ke je khong: me ame he ka ubâhlâ hmönyin anyi Iehova köbun, ke e ame he ka ie ohiö o.

Josua 23:8

ke so bi öbun e he ka kece kö Iehova Khongubun, helâ me hnobun hna ânyâ ke ne o but hnyi bong ang.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Owisa 20:13

Ke walang ang, hom but jem je atö Belial hnyi Gibea, mʼ ohmun e he ka hlingʼ ödrin, me ohia hulö hnyi Isaraela. Ke höcö laku Beniamina he ka long hofuc hwan je liamekeiny mödrin a lakon Isaraela.

I. Samuela 12:14

Öbun e ne he ka outö Iehova, me bi athnyabainy, me long hwan hofuc, me ca ûkhin fucâ hnanyibu anyi Iehova, ke öbun e ne he bala bi me than minya a musi köbun ka hnu hotu Iehova Khongubun, awe, e so eling: