Deuteronomi 13:4 - Iaai Bible 1901 (New Caledonia)

⁴ Öbun e he ka hnu hotu Iehova Khongubun, me outen, me tuö anyin je hnanyibu, me löng ifucin, kʼ öbun e he ka bi athnyabainy, me kece kâu.

Deuteronomi 13:4 ပူးပေါင်းရင်းမြစ်များ

II. Je Than 23:3

Kʼ ame tot than hnyi tap me ânyâ ûhihinyköu hnyi hnyimakö Iehova, he ka he hotu Iehova, me tuö anyin ta je hnanyibu, me hnen ta je hna ohnatho, me hnen je hna otilâ, ge hnyekon ae bekhot me hanon ae bekhot, he ka ânyâ je hofuc hnyi ûhihinyköu ang, adre me sihnalimen hnyi tusi ang: me haba tavat hia adre me tot hwege ka hnyi ûhihinyköu.

II. Man Ûlabainy Je Than. 34:31

Ke ame tot than hnyi hnen, me ânyâ ûhihinyköu hnyi hnyimakö Iehova; he ka hnu hotu Iehova, me tuö anyin je hnanyibu me hnen je hna ohnathoâ, me hûen je hna otilâ, ge hnyekon ae bekhot, me hanon ae bekhot, he ka ânyâ je hofuciny ûhihinyköu adre me sihnalimen hnyi tusi ang.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

I. Korinito 6:17

Ke haba at ame tha he me Than, me khaca thibi hanu.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

II. Ioane 1:6

Ke walang ibetengiö, ka habe, ate me he ka hnu hoton anyin ta je hnanyibu. Walang hnanyibu öbun e löng ûnyi hnyi can, mʼ öbun e he ka vheno e.

I. Samuela 7:3

Ke Samuela ame ha ka lap anyin at Isaraela hia, ka habe, Öbun e ne hmetu kö Iehova me hnyekubun a khaca, awe, degec ut je khong kanyua me Aseira unyibun, me penapena je hnyekubun kö Iehova, me bi athnyaba thibi kâu: ke e ame he ka omeli öbun ûnyi hnyi hnyamen at Filisiti.