Deuteronomi 13:3 - Iaai Bible 1901 (New Caledonia)

³ awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 13:3 ပူးပေါင်းရင်းမြစ်များ

I. Je Than 13:19

Me e ame tha hmetu më, me e ame ban areto me ijem, köiö.

Salamo 119:2

Hnahic hnen tavat adre me vheno hnen ta je hna ohnathoâ, Tavat adre me elâm e hnen hnyok, ae bekhot.

Salamo 66:10

Khonguhmun lö, u je hia but cubic öhmun: U je hia but cubic ohmun helâ me mai hna cubec sileva.

Salamo 81:7

U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Ta je huliwa 17:11

Ke beönua hwakecin ae so ge tavat ang hon at Thesalonika, anyin adre me kap hofuc ge je hnyekudra ke wedra, kʼ adre me elâm je hna sihnalimen hnyi je bong, he ka wâ hnathuiny ta je unyi e.

I. Korinito 11:19

Anyin ama he ka hu je imouköu unyibun, me me manen dut tavat ae hnathu gabun.

II. Korinito 8:8

Oge me ca ha me hnân hnanyibu, ke ame cubec anyibun ibetengiö ûnyi ge hna kong hnyekunâ anyin keihen.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Deuteronomi 8:16

at ame hâm ge mana hnyi hnyebuba ûnyi a ca wâ hnen lakâmâm; me me oûhnyûkongi u, me cubic u, he ka ohnahici u hnyi obiny:

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

II. Thesalonika. 2:11

Ke can thibi e, Khong ame kunâ kodra he ka huliwan monu, mʼ adre me he ka kap thoi:

I. Ioane 2:19

Adre me he but unyita, ke so bi ca lahanöta ödra; anyin adre ne je lahanöta, me adre me ne hia but tethmâ unyita: ke adre me he but, me me manen dut a ca je lahanöta ödra hia.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

Hna Omanenâ 13:14

Ke e ame iyawâ tavat adre me labâ hmeledrany ge ta je haten adre hna kâu he ka ânyâ hnyi hnyimakan meno; ame ha ka tavat hnyi hmeledrany, a adre me he ka theatâ me me we meno, waleji ae hu aat ge hele vat, kʼ ame möt.

Owisa 2:22

mʼ oge me he ka cubec at Isaraela ûnyi gadrin, hawa, adre me he ka tuö gethen de Iehova he ka vheno e, helâji me lakamödra ame ânyâ, ame ne ba.

I. Samuela 26:19

Anyin a wale, e na he than a tuhok ka long hofuc hwan athnyabaem. Ame ne ûnyi ga Iehova hnâm hna tot könya, me so e ame be ka kap hut: ke ame ne ûnyi ge tavat, me ödra ka hnaûhango hnyi hnyimakö Iehova: anyin a ödrin e hia but obö nya hnyi bong ang me me ca tha inya me jekhoû Iehova, me ha, ka habe, He thö ka athnyaba ke je khong bi.