Deuteronomi 11:9 - Iaai Bible 1901 (New Caledonia)

⁹ me me se hia bongubun je bong hnyi hnyei ame khemanyin Iehova ka lakamöbun he ka ham ködrin me mâtrânidrin, a hnyei ame di hnen debai me hani.

Deuteronomi 11:9 ပူးပေါင်းရင်းမြစ်များ

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Ta je Vejec 10:27

Haba ot kö Iehova, ame osehia ta je bong: Ke adre me he ka owakhaletâ ta je hunainy tavat ae kong.

Ta je Vejec 3:16

E se hia ta je bong hnyi benyin a metân; Ke tang omjeû, me hna ogânâ hnyi benyin a meny.

Ta je Vejec 3:2

Anyin ame he ka oû kâu hnahic, Me je bong ae se hia, me möt ae beû.

Ta je Vejec 9:11

Anyin ame he ka osehia bongom ta je bong ûnyi gak, Me ame he ka bihanen je hunainy ânyâm möt.

Ezekiela 20:6

haba hnyi bong eling oge me hinöbeny hnyin kodra he ka hum ödra ûnyi hnyi hnyei Aigupito ka hnyi hnyei waleji oge me elâm hobi kodra, kʼ ame di hnyin debai me hani, kʼ ame hmanenang hon ta je hnyei hia thithö:

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 11:10

Anyin a haba hnyei u me he ka he kâu mʼ u me he ka hu e, me ca helâ me hnyei Aigupito waleji u me o but ûheny hnyin, ke u je ta hatungâm je hatong, me bi deny köiö ge cam helâ me hna belökâ je khölak:

Deuteronomi 11:21

me me se hia bongubun je bong me bongon lakubun hnyi hnyei waleji a khemanyin hnö Iehova ka lakamöbun he ka ham ködrin, helâ me ta je bong bongon drany walethö hon hmeledrany.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Deuteronomi 6:18

Ke u me he ka ânyâ ûnyi ae wisa me so hnyi hnyimakö Iehova; mʼ u me so, mʼ u me he me hu gam hnyei ae so waleji Iehova ame khemanyin ka lakâmâm,

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Deuteronomi 6:3

Isaraela lö, löng ju, me tuö he ka ânyâ: mʼ ume so, me öbun e he ka ti se hia, helâ me hna ha bânâ köu hnö Iehova Khongon lakâmâm hnyi hnyei ame di hnyin debai me hani.

Deuteronomi 8:7

Anyin a Iehova Khongom ame hum u ka hnyi hnyei ae so, a hnyei ae hu je wagewe hnyin, a je hna pupua me je köiö ae dit, kʼ ame ve pupua hnyi je hnyi göulen bucen me hnyi je bucen;

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.