Deuteronomi 11:7 - Iaai Bible 1901 (New Caledonia)

⁷ ke so bi öbun e hia but wâ ge je emaköbun ta je huliwa ae gan hia anyi Iehova, waleji e ame ânyâ.

Deuteronomi 11:7 ပူးပေါင်းရင်းမြစ်များ

Salamo 106:2

Ie at ae khana he ka ha ta je huliwa ae man anyi Iehova, Me omanenâ hia ta je ûnyi hnân ogânâ e?

Salamo 145:12

Mʼ adre me he ka haimemenâ ka lakon tavat anyin ta je huliwa ae man, Me hmanenanginy dokhon dokhu ae mec.

Salamo 150:2

Ogânâ thö e can anyin ta je huliwa ae man: Ogânâ thö e hoton soiny ûganiny.

Deuteronomi 11:6

me hnen hna ânyâ kö Dathana me Abirama li laku Eliaba nöku Reubena; waleji hnyi hna memang hnyimen kânâ me ut ödrin me anyidrin je lap, me umödrin je uma mano, me tavat ae möt hia ödrin e hnu hotudrin, hnyi hnyimakan at Isaraela hia:

Deuteronomi 11:8

Anyin a wale hamöbun he ka tuö je hnanyibu hia oge me hûna köbun hnyi bong ang, mʼ öbun e hwege, me he, me hu hnyei öbun e he kâu, mʼ öbun e he ka hu;

Deuteronomi 27:10

Anyin a wale u me he ka löng hofuc ho Iehova Khongom, me ânyâ anyin je hnanyibu, me hnen hna hûna, me hnen je hna owisa, walang oge me hûna köu hnyi bong ang.

Deuteronomi 29:2

Ke haba Mose ame hawâ at Isaraela hia thithö, me ha ködra, ka habe, Öbun e wâ ta je ûnyi hia a ânyâ Iehova kö Farao hnyi hnyimaköbun hnyi hnyei Aigupito, me lathnyabainy, me iny hnyei hia:

Deuteronomi 4:3

Öbun e hia but wâ ge je emaköbun ûnyi a ânyâ Iehova can Baala-peora: anyin a haba tavat hia adre me hnu hoton Baal-peora, me Iehova Khongom ame hia but ohiʼ ödra unyâm.

Deuteronomi 5:3

Iehova ame ca ânyâ ûhihinyköu eang me; lakamöta, ke möta bi, ota hia tavat ae möt hnyi bong ang.

Deuteronomi 7:19

a ta je ûcûbic ae gan a wâ li emakâm, me je haten, me je ûnyi hnân lâiâ, me hnyamen ae hwege, me benyin adre hai, waleji hnö Iehova Khongom hna hum u kâu: kʼ ame he Iehova Khongom ka ânyâ helâe ka ta je hnyei hia wale u me outen.

Josua 24:31

Ke haba at Isaraela adre me bi athnyabai Iehova hnyi je bong hia bongu Josua, me je bong bongon wahingat a ûtangköu me Josua, hnyat adre hnyi wâ je huliwa hia anyi Iehova hobi kâu at Isaraela.