Deuteronomi 10:12 - Iaai Bible 1901 (New Caledonia)

¹² Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 10:12 ပူးပေါင်းရင်းမြစ်များ

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

II. Je Than 10:31

Ke ame ca wâ wia Jehu he ka vheno hnanyibu anyi Iehova Khongu Isaraela, me hnyekon a khaca: e ame ca saû ûnyi hnyi ta je hulö anyi Jeroboama, wale ame okûâ je hwakecin ae khong anyin at Isaraela.

II. Je Than 18:3

Ke e ame ânyâ wisa hnyi hnyimakö Iehova, helâ me hna ânyâ hia hnö Davita a kiben.

II. Je Than 18:6

Anyin a e ame kece hmâ kö Iehova, kʼ ame ca saû but gan, ke e ame tuö anyin ta je hnanyibu, waleji a hûna Iehova kö Mose.

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:12

Ke ödrin e ûhihinyköu he ka elöm Iehova Khongon lakamödrin ge hnyekudrin ae bekhot me hanudrin ae bekhot;

Jobu 36:11

Adre me ne he ka long me bi athnyabainy, Me adre me he ka laba sot hnyi bongudrin je bong, Me senyin hnyi je hunaidrin.

Salamo 119:2

Hnahic hnen tavat adre me vheno hnen ta je hna ohnathoâ, Tavat adre me elâm e hnen hnyok, ae bekhot.

Salamo 128:1

HNAHIC hnen at ame outö Iehova, A at ame vheno deny ta je gethen

Salamo 145:20

Iehova ame tuʼ ödra hia adre me hnyok kâu; Kʼ ame he ka ohia tavat hia ae kong.

Salamo 18:1

IEHOVA lö, tang hwegiök, oge me hnyok köu.

Salamo 34:9

Öbun na he ju ka ot kö Iehova, öbun laten ae kap: Anyin ae ba ke ûnyi ae ba gadra adre me outen.

Salamo 81:13

E na he ju lakeik ba ling nya, Me vheno dek je gethen hnen at Isaraela!

Salamo 81:14

Oge me he ka ie ngâ je iwahnaihmiöny mödra, Me wia ju hnyamok ka tavat adre me oveci ödra.

Esodo 23:25

Kʼ öbun e he ka bi athnyabai Iehova Khongubun, me ame he ka hahnahicâ âm me belâm; ke oge me he ka hom mok ûnyi gam.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Luka 10:27

Ke e ame thu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me tang hwegiâm ae bekhöt, me oûnykûmâm ae bekhöt; ke u me he ka betenge ge at ae hakekeny köu helâ me u bi.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

Ta je huliwa 9:31

Ke hnahic ut ekalesia hnyi je ke keihen Juda hia, me Galilaia, me Samaria, kʼ ame khulelau bi; ke adre me labö he me ot ka Than, kʼ ame kahwa je hnyekudra ûnyi ge Hanu Kap, kʼ adre me osehia but.

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

Deuteronomi 10:11

Ke Iehova ame ha könya, ka habe, Todrö u me hnyimakan tavat; me adre me he ka he me hu hnyei, waleji oge khemanyin ka lakamödra he ka ham ködra.

Deuteronomi 10:13

he ka tuö je hna hûna hnö Iehova, me anyin je hnanyibu, wale oge me hûna köu hnyi bong ang, mʼ u me so bi?

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

Deuteronomi 26:16

Haba hnyi bong ang Iehova Khongom ame hûna köu he ka vheno je hnanyibu eang, me je hna owisa, ke u me he ka tuö me ânyâ ge hnyekom ae bekhöt, me hanom ae bekhöt.

Deuteronomi 27:10

Anyin a wale u me he ka löng hofuc ho Iehova Khongom, me ânyâ anyin je hnanyibu, me hnen hna hûna, me hnen je hna owisa, walang oge me hûna köu hnyi bong ang.

Deuteronomi 30:16

anyin a inya oge me hûna köu hnyi bong ang, he ka hnyok kö Iehova Khongom me vheno deny je gethen, me tuö anyin je hnanyibu, me hnen je hna otilâ, me hnen je hna owisa, mʼ u me möt me osehia, me ame he Iehova Khongom ka ohnahici u hnyi hnyei u me he ka hnyin he ca labā.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Deuteronomi 6:24

Ke Iehova ame hûna kohmun he ka inyâ ta je hnanyibu eang, he ka outö Iehova Khonguta, mʼ ate me so bala, me e ame omeli öta, helâ me hnyi bong ang.

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

I. Timoteo 1:5

Ke haba obiny hna hûna, me ibetengiö, ûnyi hnyi hnyok ae kalaöt, me oûnykûm ae so, me labageju ae ba thoi hnyin:

Heberu 12:28

Anyin a wale, ate me kap dokhu ae ca khanʼ ödra he ka obwebwelâ, me so ate me he ka hu ibe-tengiö baû, mʼ ate me he ka ânyâ huliwa ame he Khong ka senyinâ, me ogânâ e me ot:

Josua 22:5

Ke wâ wia ju öbun he ka ânyâ hna hûna me hnanyibu, waleji a hûna köbun Mose athnyabai Iehova, wale he ka hnyok kö Iehova Khongubun me vheno je gethen hia thithö ûnyi gan, me tuö anyin je hna hûna, me kece kâu, me huliwa kâu ge je hnyekubun ae bekhöt me ta je hanubun ae bekhöt.

Josua 24:14

Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

I. Ioane 2:15

Ca he öbun ka hnyokâ hmeledrany, me ta je ûnyi eang hmeledrany. A ne ke at ame hnyokâ hmeledrany, me ba bi hnyok ka Kamen eû hnyi hnyekon.

I. Ioane 5:5

Anyin a ie at ae hwege hon hmeledrany, hawa ca at bi ame kap a Nokon Khong thibi Iesu Keriso?

I. Samuela 12:20

Haingö Samuela ka tavat, ka habe, Ca ot öbun: e hnathu öbun e hia but ânyâ ta je hulö eang: ke so bi ca he öbun ka saû ga Iehova, ke bi athnyaba Iehova ge je hnyekubun ae bekhöt;