Deuteronomi 1:30 - Iaai Bible 1901 (New Caledonia)

³⁰ Haba Iehova Khongubun at ame he hnyi hnyimaköbun me e ame he ka vat hobi köbun, helâ me hnen hna ânyâ hobi köbun hnyi hnyei Aigupito hnyi hnyimaköbun:

Deuteronomi 1:30 ပူးပေါင်းရင်းမြစ်များ

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Nehemia 4:20

ke haba hnyi je dok hia öbun ka he ka long hwan trutru hnyin, me öbun e he ka he but kohmun kâ ling; ame he Khongutin ka vat hobi kötin.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Esodo 10:21

Ka haba Iehova ame ha kö Mose, ka habe, Hai thö hnyamâm goranyai, me me menekholom but hnyei Aigupito, ke menekholom ae kböt.

Esodo 14:14

Ame he Iehova ka vat sing öbun, kʼ öbun e he ha laba hayibû.

Esodo 14:25

Ke ame thang je waengen hnyi anyidra je kariota, me me hmak he ka lelö: waleling me me ha hnen at Aigupito, ka habe, E so ate me kec ge at Isaraela; anyin a Iehova ame bi hiödra, me iwahnaihmiony me at Aigupito.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Roma 8:37

Ohe, e tuta balua hon ta je ûnyi hia eling ûnyi ge at ame betenge gata.

Deuteronomi 1:29

Waleling me inye ha köbun, ka habe, Ca öbubun bi ke ca ot bi gadra.

Deuteronomi 11:3

me anyin je ûöman, me anyin je huliwa, waleji e ame ânyâ kö Farao than Aigupito hnyi Aigupito, me lakeiny hia;

Deuteronomi 29:2

Ke haba Mose ame hawâ at Isaraela hia thithö, me ha ködra, ka habe, Öbun e wâ ta je ûnyi hia a ânyâ Iehova kö Farao hnyi hnyimaköbun hnyi hnyei Aigupito, me lathnyabainy, me iny hnyei hia:

Deuteronomi 3:22

Ca he öbun ka outʼ dra: anyin a haba Iehova Khongubun, me wale at ame vat hobi köbun.

Deuteronomi 31:3

Ke haba Iehova Khongom me e ame he ka bân ka hanyâûâ hnyi hnyimâkâm; ke e ame he ka ohia je hnyei eang hnyi hnyimâkâm, me me em biju: haba Josua me e ame he ka hanyâûâ hnyi hnyimâkâm, helâji me Iehova ame ha.

Deuteronomi 34:11

wale hnyi ta je haten me ta je ûöman hia, waleji Iehova ame kunâ he ka ânyâ hnyi hnyei Aigupito, ko Farao, me lathnyabainy hia, me iny hnyei hia thithö;

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 7:18

awe, u me ca he ka outʼ ödra: ke u ma he ka ûnykûme wia ta je ûnyi waleji a ânyâ Iehova Khongom kö Farao me at Aigupito hia;

Josua 10:14

Ke ba ke bong helâe ehac ke hwaban e, wale Iehova ame löng ifucin at: anyin a Iehova ame vat hobi kâu at Isaraela.

Josua 10:42

Ke haba Josua ame hûgûnâ je than eling hia me idrin je hnyei hnyi khaca thibi ûen, anyin a Iehova Khongon Isaraela ame vat hobi kâu at Isaraela.

Josua 23:3

öbun e hia but wâ ta je ûnyi a ânyâ Iehova Khongubun ka je hnyei hia eang cabun: anyin a Iehova Khongubun, me wale at ame vat hobi köbun.