Deuteronomi 1:2 - Iaai Bible 1901 (New Caledonia)

² Eleven ta je bong ka he ûheny Horeba gethen hnyi bucen Seira ke ne o but Kadesi-banea.

Deuteronomi 1:2 ပူးပေါင်းရင်းမြစ်များ

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

Levitiko 2:14

Ke u ka he ka hudo hudiny han, ûnyi hnyi je wan a bân kö Iehova, me u me he ka hudo hnân hudiny han je wan a bân hnyi em hnyei, je wan hwit adre le ge meic, me je hwit adre omomonoâ.

Levitiko 9:23

Ke Mose me Arona ödru me tha didro ka hnyi uma ûkhacaköu, me dit hmetu but, me hahnahicâ tavat: me ame manen ka tavat hia hmanenangi Iehova.

Numera 13:26

Ke ödrin e hmetu but me o kö Mose me Arona, me ûkhacaköu hia anyin lakon Isaraela, ka hnyi hnyebuba Parana, wale Kadesi; me oâ ûthumetu ködru, me ûkhacaköu hia anyin lakon Isaraela, me omanenâ ködra waniny kânâ.

Numera 32:8

Ame ânyâ helâe lakamöbun waleji hnyi hnok hna kunʼ ödrin ûheny Kadesi-banea he ka ecmâkâ hnyei.

Deuteronomi 1:19

Ke ûheta Horeba me ötin e vheno hnyebuba ae gan me hnân outen, waleji öbun e wâ, hnyi gethen ûheny hnyi bucen iny at Amora, hoton hnö Iehova Khonguta hna hûna köta, mʼ ate me o but Kadesi-banea.

Deuteronomi 1:44

Me ame o but at Amora, tavat adre me labâ bucen eling, he ka vat möbun, me hnu öbun, helâ me je bi adre me ûhnûhnû, me kuc öbun ke ne o but hnyi Seira, me he ke ne o but Horema.

Deuteronomi 2:1

KE ate me hwio me he ka hnyi hnyebuba gethen ka he ka hnyi Köiö ae Dra, hoton hna hûna hnö Iehova könya: ke se hia je bong ate me laba igigilö bucen Seira.

Deuteronomi 2:4

Ke ha thö ka tavat, ka habe, Öbun e he ka hanyâûâ hnyigöulen hnyei iny je liamekeiny möbun a lakon Esau, tavat adre me labā Seira; ke adre me he ka outʼ öbun: anyin a wale wâ wiʼ öbun bi:

Deuteronomi 2:8

Waleling mʼ ate me he ûheny unyin je liamekeiny möta a laku Esau, tavat adre me labā Seira gethen hnyi Arabah ûheny Elath, ke ûheny Eziona-gebera. Ke ate me khenyi, me he hnyi gethen ûheny hnyi hnyebuba Moaba.

Deuteronomi 9:23

Ke hnyi ûen Iehova ame kunʼ öbun ûheny Kadesi-banea, kʼ ame ha, ka habe, Ölö thʼ öbun, me hom hnyei oge me ham köbun; me öbun e hanyâûâ musi anyi Iehova Khongubun ke öbun e ca labageju kâu, me löng hwan hofuc.

Josua 14:6

Ke ame he laku Juda kö Josua hnyi Gilegala; me ame ha kâu Kaleba nöku Jefune at Kenaza, ka habe, E khatö u ûnyi a ha Iehova kö Mose aten Khong gatu hnyi Kadesi-banea.