Deuteronomi 1:11 - Iaai Bible 1901 (New Caledonia)

¹¹ E na he ju Iehova Khongon lakamöbun ka osehi ʼöbun a je thauzaniny, me ohnahici öbun hoton hnen hna ha köbun!

Deuteronomi 1:11 ပူးပေါင်းရင်းမြစ်များ

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 49:25

Wale ûnyi ge Khongon kâmâm, at ame hadruö u, Ke ûnyi ge Ataekhanahia, at ame he ka ohnahici u, Hnen ta je soiny drany ethö, Me soiny dok ae dit eû hnyikânâi, Me soiny basin, me hnyekon at ame hnokoâ.

II. Samuela 24:3

Haba Joab ame ha ka than, ka habe, E na he ju Iehova Khongom ka bi hanen ka tavat, ame ne ve ûseidrin, he ka osehia ge haded, me me wâ li emakan than a tuhok: anyin a ieû ame weny ûnyi eling than a tuhok?

I. Man Ûlabainy Je Than. 21:3

Ke haingö Joab, ka habe, E na he Iehova ka osehia lakem ge haded: ke so bi, than a tuhok, hawa, ca lakeiny tûhök ödrin hia? anyin a ieû ame weny ûnyi e hnen tuhok? anyin a ieû u me he ka bi joniny at Isaraela?

Salamo 115:14

E na he ju Iehova ka osehiai öbun tilʼ öbun, Walʼ öbun me lakubun.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Ezekiela 16:7

Oge me osehiö u helâ me vongon hnyot, me u me se hia but, me gan dut, ke u je o ka hnyi bongon ae ti mec; ame ku li bâsâm, ke beû but leûnen bâm; ke so bi ehac u je he thu me ba ûkhaû:

Numera 22:12

Ke haba Khong ame ha kö Balaama, ka habe, U me ca he ka tha he mödrin: u me ca he ka hangâ tavat eling: anyin adre hahnahici ödra.

Numera 6:27

Ke adre me he ka ip iök hon lakon Isaraela helâe; ke oge me he ka ohnahici ödra bi.

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 1:12

Oge me he ka kâmâu hna hake vadren hmakibun, me honöbun je hok, me anyibun je iwatretra?

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 28:62

Ke öbun e he ka wakhalet biju, waleji a helâ me je okhûiny drany ûseibun; anyin a u je ca löng hoton hofuc ho Iehova Khongom.