Deuteronomi 1:1 - Iaai Bible 1901 (New Caledonia)

¹ WALANG ta je hofuc a ha Mose ka lakon Isaraela hia hnyi hoton Joridano, hnyi hnyebuba, hnyi Arabah cicö Sufe, hnyi wanben Parana me Tofel, me Labana, me Hazeroth me Dizahab.

Deuteronomi 1:1 ပူးပေါင်းရင်းမြစ်များ

Genese 21:21

Kʼ ame laba hnyi hnyebuba Parana: ke hinyen ame hok momo ûnyi hnyi hnyei Aigupito me âiân.

I. Je Than 11:18

Ke ödrin e todrö ûhedrin Midiana, me he Parana ai: ke ödrin e hom ke je hnyat ûheny Parana he ka tha he mödrin, me ödrin e o Aigupito, kö Farao than Aigupito; me e ame ham kâu uma, me hûna he ka han, me ha iny.

Habakuka 3:3

Ame o but Khong ûheny Temana, Ke At ae Kap ûheny hnyi bucen Parana. [Sela. Ame khavâ drany hnen anyin hmanenang, Kʼ ame unöngötö hmeledrany ge hna ogânâ e.

Numera 10:12

Ke haba lakon Isaraela adre me he but ûheny hnyi hnyebuba Sinai; me ame tot u ûlâ hnyi hnyebuba Parana.

Numera 11:35

Ke haba tavat adre me he Hazeroth ai, ûhedra Kiberoth-atava, me laba hnyi Hazeroth.

Numera 12:16

Ke hwaban e ame he tavat ûhedra Hazeroth, me hunuma hnyi hnyebuba Parana.

Numera 13:26

Ke ödrin e hmetu but me o kö Mose me Arona, me ûkhacaköu hia anyin lakon Isaraela, ka hnyi hnyebuba Parana, wale Kadesi; me oâ ûthumetu ködru, me ûkhacaköu hia anyin lakon Isaraela, me omanenâ ködra waniny kânâ.

Numera 13:3

Ke Mose ame kunʼ ödrin ûnyi hnyi hnyebuba Parana, helâ me Iehova ame ha: haba ödrin hia ödrin je taben lakon Isaraela.

Numera 32:19

Anyin a ohmun e ca he bi ka tha tren hnyei mödra hnyi ke keihen Joridano ke e jio, anyin adre kû köhmun ihmun hnyi ke keihen e deiö Joridano.

Numera 32:32

Ohmun e he ka hom omjehen vat me hanyâûâ hnyi hnyimakö Iehova ka hnyi hnyei Kanana, me me he ka hu ihmun hnyei hnyi ke keihen e deiö Joridano.

Numera 32:5

Ke ödrin e ha, ka habe, U je ne betenge gahmun, ö u hna hnyei eling köhmun a lathnyabaem, me ihmun; ke ca hum ohmun bi he ka hanyâûâ Joridano.

Numera 33:20

Ke ûhedra Rimona-farez, me adre me hunuma Libena.

Numera 33:21

Ke ûhedra Libena, me adre mo hunuma Risa.

Numera 34:15

haba li tribu ke hafiny tribu, me adre me ve kap idra hnyi ke keihen hoton Joridano hnyi Jeriko ke e deiö, cicö hna o hnen seûnö.

Numera 35:14

Öbun e he ka ham kun ta taun hnyi hoton Joridano, ke öbun e he ka ham minya kun ta taun hnyi hnyei Kanana; wale je tauniny lubaduöng.

Deuteronomi 2:8

Waleling mʼ ate me he ûheny unyin je liamekeiny möta a laku Esau, tavat adre me labā Seira gethen hnyi Arabah ûheny Elath, ke ûheny Eziona-gebera. Ke ate me khenyi, me he hnyi gethen ûheny hnyi hnyebuba Moaba.

Deuteronomi 27:1

KE haba Mose me wahingatiny at Isaraela ödrin e hûna ka tavat, me ha ka habe, Tuö ju ta je hnanyibu hia oge me hûna köbun hnyi bong ang.

Deuteronomi 29:1

WALANG je hofuciny ûhihinyköu, waleji Iehova ame hûna kö Mose he ka ânyâ me lakon Isaraela hnyi hnyei Moaba, ke ca ha bi hna ûhihinyköu mödra hnyi Horeba.

Deuteronomi 31:1

KE haba Mose ame he me ha ta je hofuc eang ka at Isaraela hia.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

Deuteronomi 4:46

hnyi hoton Joridano, hnyi hnyigöulen bucen cicö Bethe-peora, hnyi hnyei i Sihona thaniny at Amora, at ame laba e Hesebona, waleji ame kot hnö Mose me lakon Isaraela, ödra ka o but ûheny Aigupito:

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Josua 22:4

Ke walang ang Iehova Khongubun ame omenâ je liamekeiny möbun, helâji me hnen hna ha ködra, anyin a wale hmetu thʼ öbun, me he ka hnyi umöbun je uma, ka hnyi je ibun, waleji a ham köbun Mose athnyabai Iehova hoton Joridano.

Josua 22:7

Ke a hia but Mose khene jekhoû hnyi Basana ka hafiny tribu Manase: ke haba ka ke haf, Josua ame khenâ unyin je liamekeiny mödrin hoton Joridano ke e jio. Ke haba khaca, hnyi ûen e ame kunʼ ödrin ka hnyi umödrin je uma, me Josua ame hahnahici ödrin,

Josua 3:16

me ame todru köiö ûheny hnyi hwadrö ame görany dö helâ me khölöki ûsâkâûö, hwân Adamu, wale taun cicö Zaretana: ke ame hme köiö ame di ka hnyi köien dok ae tha hon, wale Köiö ae Hiny, ame subâ but: me ame he hanyâûâ ge tavat cicö Jeriko.

Josua 9:1

KE haba je than hia ödrin e long, walʼ ödrin hnyi ke keihen Joridano e jio hnyi je bucen me hnyei ae ca hut, me hnyi hobat köien köiö ae gan hia cicö Lebanona, wale at Heth, me Amora, me Kanana, me Perizi, me Hivi, me Jebusi;

Josua 9:10

me je ûnyi hia e ame ânyâ ka li thaniny at Amora, wale hoton Joridano, kö Sihona than Hesebona, me Oga than Basana hnyi Aseterotha.

I. Samuela 25:1

HABA Samuela ame mokcu; me ame ûkhacaköu Isaraela hia thithö, me tenge gan, me konâm e hnyi umen uma hnyi Rama. Ke Davita ame todrö me he ka hnyi hnyebuba Parana.