Daniela 9:26 - Iaai Bible 1901 (New Caledonia)

²⁶ Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Daniela 9:26 ပူးပေါင်းရင်းမြစ်များ

II. Samuela 21:5

Me ödrin e thu ka than, ka habe, Haba at a ohiʼ ohmun, me heleû deny gahmum, me me ohiʼ ohmun, mʼ ohmun e ca laba hnyi hnyei hia iny at Isaraela,

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Isaia 28:2

Wâ bi, e unyin Than at ae hwege me hnyok baga; helâ me hna ta hnen we ae wahma, me hou ame okongoâ, helâ me je köiö ame di hwege me bahihingölö, adre me he ka sa hwegiâ hnyikânâi.

Isaia 28:22

Ke walang ang ca he öbun ka hlumö at, wâ adre nye ohmâ je hna cʼ öbun: anyin a oge hia but long ûnyi ge Than, Iehova tuhan sabaoth, a gʼ ame ip hmâ he ka ohia hnyi hmeledrany hia.

Isaia 53:8

Adre me hom e ûnyi hnyi hna ovecâ me hna ûhnei; ke ewa at bi hnyi anyin dö ame ûnykûme a gʼ adre subâ degecâ e ûnyi hnyi hnyei iny tavat ae möt? adre me kot e can je hna hanyâûâ hnen lakeik.

Isaia 8:7

anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Jeremia 46:7

Ie at ang ame olo helâ me Nail, me bwebwelâ je köiöiny helâ me je wagewe?

Jeremia 51:42

Ame khibi thö köiö hon Babulona, ame khutu takoû e hnen je waköiöny ae se hia.

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Daniela 11:17

Ke e ame he ka hnyimakan dö he ka o me hom maniny dokhon dökhu hia, me tavat ae fofâ unyin: ke e ame he ka ânyâ weny: ke e ame he ka ham kâu hlu nokon momo me me kong; ke e ame ca he bi ka tethmâ me tha hien më.

Daniela 11:22

Ke ame he ka khutu takoû e je vat ae uoû hnyi hnyimakan, me hmouca but; eke, thaniny ûhihinyköu minya.

Daniela 11:36

Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Amosa 8:8

Hawa, ame ca he tavat ka öbubuny can eling, ke tenge hia tavat adre me labâ e? eke, e ame he bi ka khibi hia helâ me Wagewe; ke e ame he ka bwebwelâ, kʼ ame he ka dit hmetu ju, helâ me wageweiny Aigupito.

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Nahuma 1:8

E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Mataio 22:2

Haba dokhon drany, me ûcû me ke than at ame ânyâ bijeû hnyi faipoipo a nokon,

Mataio 22:7

Me ame hmonyin bi than, kʼ ame kunâ anyin je utbavat, me ohia tavat ûhlingö eling, me thong degecâ anyidra taun.

Mataio 23:38

Wâ bi adre hia but hna degecâ umöbun uma ke ba onyen.

Mataio 24:2

Haba Iesu ame ha ködrin, ka habe, Hawa, öbun e wâ but ta je ûnyi hia eang? e hnathu inya oge me ba köbun, ka habe, Ame ca he bi ke veto ka mokut hon ke veto, ke adre me he ka thö degecâ hia.

Mareko 13:2

Ke haba Iesu ame ha kâu, ka habe, U je wâ hna up veto eang ae gan? ame ca he ke veto ka hnen hon ke veto, ke adre me he ka thö degecâ hia.

Mareko 13:7

Ke öbun ka long hwan ta je vat me hon vat, ca ot bi: anyin ae ûcû he ka o ta je ûnyi e; ke tiga hia bi obiny.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Luka 21:6

Haba ta je ûnyi e öbun e wâ, ame he ka o ûen, me ame ca he bi ka hnen ke veto hon ke veto, ke adre me he ka thö hia.

Luka 24:26

Hawa, ca hamen Keriso he ka kap ta je vec eling, me he ka dit ka hnyi anyin hmanenang?

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Ioane 14:30

Oge me ca he hmetu ka ose hia fuc köbun, anyin ame he jem tuhan eang hmeledrany:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

I. Peteru 2:21

Anyin adre hawʼ öbun kâ e: anyin a Keriso ame hom vec minya hobi köbun, me ham köbun tulut, mʼ öbun e he ka cet hwadeny li hnyeûcan:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;