Daniela 9:25 - Iaai Bible 1901 (New Caledonia)

²⁵ Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Daniela 9:25 ပူးပေါင်းရင်းမြစ်များ

II. Samuela 15:25

Me ame ha than kö Zadoka, ka habe, Hom hmeto thö tang tangen Khong ka hnyi taun: ame ne he Iehova ka betenge gak, me e ame he ka ohmetu nya, me tha omanenâ e bi könya me hnyaban minya:

Ezera 4:24

Me adre me ip ju huliwainy uma umen Khong hnyi Jerusalema; ki adre me hna huliwa bala ke ne o but hnyʼ huna a loiny musi anyi Dariu than Peresi.

Ezera 7:1

KE hwaban ta je ûnyi eling hnyi musi anyi Aretaseta than Peresi, me ame he Ezera nöku Seraia, nöku Azaria, nöku Hilekia,

Ezera 7:8

Ke e ame o but hnyi Jerusalema hnyi tehi a thabûnginy wale huna a seveniny than.

Nehemia 3:1

ME haba Eliasiba at bihut ae beönua me je liamekeiny mē a tavat bihut, odrin e todrö me op homagouleny mamoe; me ödrin e okabâ e, me otilâ je hlinginy, ke ne o but ka hnyi hnabâ hnyi Mea ödrin e okabâ e, me ke ne o but hnyi hnabâ hnyi Hananel.

Nehemia 4:2

Me e ame fuc hnyi hnyimakan je liamekeiny mē, me utbavat anyin at Samaria, me ha, ka habe, Ieû, ame ânyâ at Juda ang a ödrin mat? hawa ödrin e he ka ohwegi ödrin bi? ödrin e he ka bi hut? ödrin e he ka umo hnyi bong a khaca? hawa ödrin e he ka oâ je veto ûnyi hnyi je hna khöû ve ta ûnyi waleji adre thong?

Nehemia 4:8

me ödrin e tha ip hnân, ödrin hia be ka vat hnyi Jerusalema, mʼ adre me ovheli ödrin eling.

Nehemia 6:15

Ke adre me umo up haginy hnyi bong a twente faiviny tehi Elul, hnyi je bong a fifte tu.

Salamo 71:10

Anyin ame ûsabö gak je iwahnaihmiöny mönya; Ke haba tavat tuö hanuk adre me vhök ûhnenamö,

At Khet 3:3

ûen hlingâ, me ûen ometo; ûen hagutâ, me ûen otilâ;

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Daniela 8:11

Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Daniela 9:23

Haba hnyi ûen u je hwân ka khöû, adre me hûna, me oge me o but he ka thumetu u; anyin adre me ti betenge gam; anyin a wale, wâ ûnykûme thö ûnyi eling, me wâhmakhmeto hna omanenâ.

Mika 5:1

HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 13:23

Ke haba hna tā hon kânâ ae hoso, wale at ame long hofuc, me wâ ûnykûme; at ame hing wa, me hu wan, keihen ûsa wan haded, ke keihen ûsa sikste, ke keihen ûsa thote.

Mataio 24:15

Awe, öbun ka wâ ûnyi ae ikiki at ame okongo, ame tot hnyi dok ae kap, waleji a ha Daniela perofeta, (wâhmakhmeto ju hnen at ame aû),

Mareko 13:14

Ke öbun ka wâ ûnyi ae ikiki, at ame okongoâ, ame tot hnyi dok a ca hnen bi (e so he ka wâhmakhmeto ju hnen at ame aû) wale ûen ae ûcû he ka kec hnen tavat Juda ka hnyi je bucen:

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 4:25

Haingen momo kâu, ka habe, E khanö nya a gʼ ame he ka o Mesia (adre hwenyi ien Keriso): ke hnyi ûen e ame o but, e ame he ka omanenâ köta ta je ûnyi hia.

Ta je huliwa 3:15

ke öbun e hlingâ Thaniny möt; wale hnen Khong hna omelö hmetu ûnyi hnyi hna mok; ke ohmun e ohnathoâ ûnyi e.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Ta je huliwa 8:30

Haba Filipo ame wadring kâu, me long hnen hna aû perofeta Isaia, me e ame ha, ka habe, U me ka ûnykûme e hnâm hna aû?

Efeso 5:16

ke oûnyihnathoâ ta je ûen, anyin ae kong ta je bong.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.