Daniela 9:20 - Iaai Bible 1901 (New Caledonia)

²⁰ Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Daniela 9:20 ပူးပေါင်းရင်းမြစ်များ

Ezera 10:1

Kʼ AME tiga hic Ezera, me omanenö hulo, me tenge, me ta hnyikânâi hnyi hnyimakan uma umen Khong, me ame ûkhacaköu kâu tavat ae ti se hia ûhedrin Isaraela, obaga me omomo me je wanakat: anyin ame tenge hwege tavat.

Nehemia 1:6

ö u tevehlöng ju ge li hnyikönyâm, me wâ ge li emâkâm, me long hic hijin athnyabaem, wale oge me hic köu hnyi ûen ang hnyi lany me lit, hobi kâu lakon Isaraela a lathnyabaem, ke oge me haimemenâ je hulo anyin lakon Isaraela, waleji ohmun e hia but ânyâ köu: eke, oge me hia but hnyi ânyâ hulo me lap anyi cica.

Salamo 145:18

E hakekeny Iehova kodra hia adre me hawâ e, A tavat hia adre me hawâ e hnyi hnathu.

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

At Khet 7:20

Anyin ae ba at ae wisa eang hmeledrany, a at ame ânyâ so kʼ ame ca ânyâ hulo.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 58:9

Me u me he ka hongot, kʼ ame he Iehova ka ieû; u me he ka khöû, ke e ame he ka ha, ka haba, Inya ang. U je ne hom but ûnyi gam hna ûhûkâlâköuâ, me kû ge banyen, me ûhnenamö monu;

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 65:24

Ke ödra ka tiga ca hongot bi, me oge me he bi nya ka ieû: ke ödra ka tiga fuc, me oge me he bi nya ka ling ödra.

Daniela 10:12

Ke haingen könya, ka habe, Daniela lö, ca ot bi; anyin a hwân hnyi bong a bân, waleji a mou hnyin hnyekom he ka wâhmakhmeto, me hom ûhnyûkongu u hnyi hnyimakan Khongom, adre long ut ifucâm: ke oge me o but ang ûnyi ge hwâm je hofuc.

Daniela 10:2

Haba hnyi ûen eling, inya Daniela oge me labö tenge hnyi kun ta wik ae bekhot.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Ta je huliwa 4:31

Ke ödrin e um dö hic, me ame jijing uma ödrin e laba hnyin; me ödrin e unöngöt hia thö ge Hanu Kap, me ödrin e ha hofuc hwan Khong hnen hwege.

Roma 3:23

anyin ae kong tavat hia, kʼ adre me ca o ka hnyi hmanenanginy Khong,

Iakobo 3:2

Anyin ate thö hia thö hnyi ta je ûnyi ae se hia. A ne ca thö at hnyi hofuc, awe, e wisa at e, ke e khana he ka tha hom ûhnyûkongo unyin.

Hna Omanenâ 21:10

Me e ame hum nya hnyi Hanu ka hnyi bucen ae gan me beû goranyai, me omanenâ könya taun ae kap wale Jerusalema ame utut ûnyi hnyi drany ûnyi ge Khong,

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.