Daniela 8:24 - Iaai Bible 1901 (New Caledonia)

²⁴ Ke ame he ka gan hmâ hwegien, ke ca hnen bi tang hwegien, ke ke bongon bi hnen hna he ka ohia, ke e ame he ka hnahic me ânyâ weny: ke e ame he ka ohia tavat tren man, me tavat ae kap.

Daniela 8:24 ပူးပေါင်းရင်းမြစ်များ

Salamo 37:35

Oge me hia but wâ at ae kong hnyi maniny man ae gan, Kʼ ame okhulelauâ helâ me ûö ae hât hnyi kânân kânâ.

Daniela 11:23

Ke hwaban do hna ûhihinyköu më, me ame ho ka othoiâ: anyin a e ame he ka he me hwege hnyi hnyei ae ûhnyûkong.

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 7:25

Ke e ame he ka fuc bi gan kö Beönua, me ovecâ tavat ae kap anyi Beönua: ke e ame he ka ûnykûme ka wia je ûen, me je hnanyibu; ke adre me he ka hnʼ ödrin ka hnyi hnyamen, ke ne o but ame o ke ûen me li ûen, me haf ûen.

Daniela 8:10

Kʼ ame gan tot ke ne o but hnyi je utbavat hnyi drany; kʼ ame hagutâ hnyikânâi ke je utbavat, ke je okhû, me uto ju.

Daniela 8:11

Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Daniela 8:12

Kʼ adre me tha hna but kâu utbavat me hudiny leû adre me hudo bala, can hna hanyâûâ; kʼ ame hagutâ hnathu hnyikânâi kʼ ame ânyâ weny bi, ke hu sot gan.

Daniela 8:23

Ke haba hnyi obiny dökhudrin dökhu, hnyi ûen ame he ka bekhot tavat hanyâûâ, me ame he ka o than ae hwege hnyimakan, at ae khana je vhet.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 17:17

Anyin a Khong ame ip eû hnyi je hnyekudrin he ka ohwâdâ weny, me he ka tha hnyok, me ham dökhudrin dokhu ka meno, ke ne o but ame hwâdâ je hofuc hwan Khong.

Hna Omanenâ 17:6

Ke oge me wâ momo ame monu a ijem dren wakap, ke dren tavat adre me ohnathu Iesu. Ke oge me wâ me oge me lâiâ gan hmâ.

Hna Omanenâ 19:2

anyin ae hnathu me wisa hnen hna bi hwaban; anyin a hia but bi hwaban ka momo hnyi gethen ae nua, at ame okongoâ hmeledrany ge anyin bi ûnyi monu, ke a hia but bi hwaban kâu can dren lathnyabainy.