Daniela 8:17 - Iaai Bible 1901 (New Caledonia)

¹⁷ Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:17 ပူးပေါင်းရင်းမြစ်များ

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Ezekiela 2:1

KE e ame ha könya, ka habe, Nokon at lö, todrö ge li cam, me oge me he ka fuc köu.

Ezekiela 44:4

Ke e ame hum nya a gethen hnyi homagöule hnyi hwadro hnyi hnyimakan uma; ke inya oge me wâ, ke wâ bi, ame unöngötö uma umö Iehova ge hmanenangi Iehova: me oge me ta hnyikânâi.

Ezekiela 6:2

Nokon at lö, hnyimâkâm dö ka hnyi je buceniny Isaraela, ke perofeta thö ködrin,

Daniela 10:11

Ke e ame ha könya, ka habe, Daniela lö, at adre ti betenge gan, wâhmakhmetoâ thö hofuc oge me ha köu, ke tot wisa thö; anyin adre kunö nya köu: ke a hia but ha könya hofuc eling, me oge me tot öbubuny.

Daniela 10:16

Ke wâ bi, ame kâlâ hnyimök ke at helâ me at: me oge me khong ut hnyimök me fuc, me ha ka at ame tot hnyi hnyimakök, ka habe, Than lö, can hna omanenâ, ame takû nya anyik je hlöuhlöu, ke ba but hwegiök.

Daniela 11:27

Ke haba li than eling, me ödru me he ka hnyok ûokonguny, ke ödru me he ka ûhnenamö thoi hnyi laulau a khaca: kʼ ame ca he ka hwâdâ: anyin adre me he ka bi obiny hnyi ûen adre thu.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 12:13

Ke he thö u ke ne o but obiny: anyin a u me he ka menâ, me tot hnyi jekhom, e ka um dö je bong.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 2:46

Me haba Nebukaneza than ame ta ju hnyikânâi me nom kö Daniela, me ûkhû-nöng he ka ham bwihlany me je ûnyi ae bo so kâu.

Daniela 7:16

Me oge me hakekeny ka ke at ame tot, me hnö e ge hnathuiny ta je ûnyi eling. Me e ame ha könya, me omanenâ bongon ta je ûnyi, ka habe,

Daniela 8:15

Ke haba inya Daniela, oge me wâ hna omanenâ, me oge me elâm bi he ka wâhmakhmeto e; ke wâ bi, ame tot ke at hnyi hnyimakök helâ me at.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Daniela 8:27

Ke inya Daniela oge me ta hnyikânâi me mok hnyi ke je bong; me oge me todrö me mâdrâ huliwa anyin than: ke oge me lâiâ hna omanenâ, ke ba at ame wâ ûnykûme.

Daniela 9:23

Haba hnyi ûen u je hwân ka khöû, adre me hûna, me oge me o but he ka thumetu u; anyin adre me ti betenge gam; anyin a wale, wâ ûnykûme thö ûnyi eling, me wâhmakhmeto hna omanenâ.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Mataio 17:8

Me ödrin e bwele goranyai ke ba at ödrin e wâ, ke hake Iesu thibi.

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Hna Omanenâ 22:8

Ke inya Ioane at ame löng me wâ ta je ûnyi e. Ke hnyi ûen oge me löng me wâ, me oge me ta ju hnyi hmelen li can angela, at ame omanenâ könya ta je ûnyi e.