Daniela 7:20 - Iaai Bible 1901 (New Caledonia)

²⁰ ke hawa ge je faoinyʼ a ten hnyi ban, ke fao ame o kʼ ame ta ju kun ta faoiny hnyi hnyimakan; wale fao ae hu je ecmak, ke hnyem, at ame ha ta je ûnyi ae gan, ke gan hmâ unyin hon je lahanen.

Daniela 7:20 ပူးပေါင်းရင်းမြစ်များ

Daniela 7:11

Ke oge me wâ hnyi ûen eling, a can ifucin hwan ae gan hwan faoinyʼ meno; haba, inya oge me wâ ke ne o but adre me hlingö meno, ke ohia unyin, kʼ adre me hna e me me thong meic.

Daniela 7:19

Ke oge me bekhanö nya hnathuiny meno a vakiny ae ve bongon bi me je meno hia, kʼ adre me outen, ke haba je nyon, me je fao, ke bras je boûjimen, at ame oloû, ke thu omomono, kʼ ame uto je kolon ge je can;

Daniela 7:21

Ke inya oge me wâ, ke ame vat fao eling me tavat ae kap, me hwege bi hudra;

Daniela 7:23

Haingen, ka habe, Haba meno a vakiny me wale dokhu a vakiny eang hmelen, ae ve bongon bi me ta je dokhu hia, e ame he ka an hmeledrany hia me uto e, me thu omomono e.

Daniela 7:7

Hwaban e, inya oge me wâ hnyi je hna omanenâ hnyi lit, ke wâ bi meno a vakiny adre outen, ke tren man, ke ti hwege; ke e hu je nyon ae gan a fao; e ame oloû me thu omomono, me ututo je kolon ge je can; ke ve e bi me je meno a bân a kun; ke ten je faoiny.

Daniela 7:8

Inya oge me ûnykûme je faoiny, ke wâ bi, ame o but hnyi wanben ke faoiny ae ûhnyûkong, ke adre oc wia hnyi hnyimakan e ta faoiny a kun a bân; ke wâ bi, hnyi faoiny eling je ecmak helâ me je emakan at, me hnyem at ame ha je ûnyi ae gan.

Hna Omanenâ 12:3

Me ame manen dut ke haten minya hnyi drany; ke wâ bi, wale drakona ae gan ae dra, seven je ban, ke ten je faoiny, ke seven je korona hon je ban.