Daniela 6:26 - Iaai Bible 1901 (New Caledonia)

²⁶ Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Daniela 6:26 ပူးပေါင်းရင်းမြစ်များ

Ezera 1:3

Haba at unyibun a hanen lakeiny hia, ke so e he Khong ka tha e mē, ke so e ame he thö Jerusalema ai, wale hnyi hnyei Juda, me me hnyi op uma umo Iehova, Khongu Isaraela, hnyi Jerusalema, (e thibi Khong).

Ezera 7:21

Ke haba inya, Aretaseta than, me oge me hûna ka tavat tuö omjeû hia thithö hnyi ke keihen hoton wagewe, a haba ta je ûnyi hia ame he Ezera at bihut, at a sihnalimen hnanyibu anyin Khongon drany, ka sumâtâ unyibun, me, adre me he ka ie ânyâ,

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 146:10

Ame he Iehova ka musi nyiele balua, Ziona lö, ame he Khongom ka musi ka ta je dö. Oganö Ja thʼ öbun.

Salamo 2:11

Bi athnyaba ju kö Iehova me ot, Ke senyin dö me öbubuny.

Salamo 29:10

Iehova ame laba me than hnyi ûen Uoû; Eke, Iehova ame laba a than nyiele balua.

Salamo 42:2

E beic hanuk ka Khong, ka Khong ae möt: Ie ûen oge me he ka o me manen hnyin hnyi hnyimakan Khong?

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.

Daniela 4:3

E ti beönua anyin je haten! ke ti gan hmâ anyin ta je ûnyi hnân lâiâ gan! dokhu ae hmâ nyiele balua dokhon dokhu, ke hwân hnyi ke dö, ke ne o but ka hnyi ke dö anyin musi.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Mataio 6:13

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Luka 1:33

ke e ame he ka muso lap anyi Jekob nyiele balua; ke ame he ka ba obiny dokhon dokhu.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Ta je huliwa 17:25

ke ame ca huliwa minya kâu hnen ta je hnyamen at, helâke adre me ânyâ ka theduoc, anyin a e ame ham hia möt, me homenâ, me ta je ûnyi hia ka ta je ûnyi hia;

Roma 9:26

Ke haba hnyi dok adre me ha kodra, ka habe, Ca latök bi öbun, Me adre me he ka hai ödra eling, ka habe, Je lakon Khong ae möt balua.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

Heberu 12:29

anyin a haba Khonguta, me meic ame han hmonyin.

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 4:10

me ame he wahingat a twente foa ka ta but hnyi hnyimakan at ame tabâ theron, me khudrung kâu, waleji at ae möt nyiele nyiele balua, me khûâ anyidrin je korona hnyi hnyimakan theron me ha, ka habe,

Hna Omanenâ 5:14

Ke haingen vak ta ûnyi ae möt, ka habe, Amen. Me ame ta ju wahingat me khudrung.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.