Daniela 6:25 - Iaai Bible 1901 (New Caledonia)

²⁵ Ke haba Dariu than ame sihnalimen ka tavat hiâ, ke ta je hnyei, ke je ve hwen hnyei, a tavat adre me labâ hmeledrany hia, ka habe, E so öbun e hnahic hmonyin.

Daniela 6:25 ပူးပေါင်းရင်းမြစ်များ

Ezera 4:17

Me haba than ame ûkhûnöng he ka thu kö Rehum at owisa, me Simesai at sihnalimen, me je kolon je lahanödru hnyat adre me laba hnyi Samaria, me je kolon hnyi ke keihen hoton wagewe, ka habe, Hnahic ut, me hofuc helâe.

Esetera 3:12

Me adre me hawâ tavat sihnalimen anyin than hnyi bong a thötininy tehi a bân, me adre me sihnalimen helâ me hnö Hamana hna hûna ka tavat musi ae beönua anyin than, me je gavena hnyi je ke keihen hnyei, me tavat muso je hnyei; ka ke ke keihen me ke ke keihen hnyei helâ me hna sihnalimen, me ka ke hnyei me ke hnyei hoton hwan je hnyei; ke adre me sihnalimen hnyi iö Asueru than, ke adre me ohmâ haten hnen wen banyen than.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Esetera 8:9

Me adre me hawâ tavat sihnalimen anyin than hnyi ûen eling, hnyi tehi a kuniny wale tehi Sivan, hnyi bong a twente theriny; ke adre me sihnalimen helâ me hna hûna hia ga Modikai ka at Juda, me tavat musi ae beönua, me je gavena, me je taben hnyi je ke keihen hnyei, hwân hnyi India ke ne o but Aithiope, wan haded ke twente seven je ke keihen hnyei, ka hnyi je ke keihen hia hoton hna sihnalimen me ka at Juda hoton hna sihnalimen, me ifucidrin.

Salamo 7:15

E ame hia but hiny thop, kʼ ame hiny dilâ, Me ame ka kolu but ka hnyi thop waleji e ame ânyâ,

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Ta je Vejec 11:8

Adre me omelo at ae wisa ûnyi hnyi vec, Kʼ ame o but at ae kong ka hnyi hnen bi.

Daniela 3:4

Me ame ha gânâ hnen at bi hnyimen musi, ka habe, Walang hnanyibu köbun tavat lö me je hnyei, me je ve hwen hnyei, ka habe,

Daniela 4:1

INYA Nebukaneza than, ame ha ka tavat hia, me je hnyei me je ve hwen hnyei bi, tavat adre me labâ hmeledrany hia, ka habe, E so ame osehiâ anyibun hnahic.

Deuteronomi 19:19

awe, hamöbun he ka ânyâ kâu helâ me hnen hna ûnykûme he ka ânyâ ka liamekeiny mē: helâe u me he ka ohia hulö unyâm.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

II. Peteru 1:2

e so adre osehia unyibun ibetengiö baû me ûsoköu hnyi hna wâhmakhmetoâ Khong me Iesu Keriso a Tuhöta;

Juda 1:2

e so e si but unyibun ibetengiö baû, me ûsoköu, me ibetengiö.