Daniela 6:24 - Iaai Bible 1901 (New Caledonia)

²⁴ Ke than ame hûna he ka hom tavat waleji adre me kliûö Daniela, me adre me khûʼ ödrin bi ka hnyi op liona, ödrin, ke lakudrin, ke laöiödrin; ke e hu maniny je liona hudrin, me me hmetru je jeiödrin hia, kʼ ödrin tiga ca kâlâ kânâ eû hnyi hnyin thop.

Daniela 6:24 ပူးပေါင်းရင်းမြစ်များ

II. Je Than 14:6

ke e ame ca hlingâ lakon li at ûhüngö: helâ me hna sihnalimen hnyi tusi hnanyibu anyi Mose, waleji a hûna Iehova, ka habe, Adre me ca he ka hlingâ je kamen can je nokon, ke haba khaca adre me ca he ka hlingâ je lakon can je kamen; ke adre me he ka ve hlingâ at can anyin bi hulö.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Esetera 9:10

je laku Hamana, noku Hamedatha, iwahnaihmiony me at Juda, ödrin ten, adre hlingâ; ke so bi ödrin e ca söh bi anyidrin ta je ûnyi.

Esetera 9:25

ke ame o but ûnyi e ka hnyi hnyimakan than, me e ame hûna hnyi je tusi, me me hmetu ka hnyi hon ban anyin bibiwhakecin ae kong, waleji e ame ûnykûme ka at Juda; me adre me he ka uhno e me je lakon hnyi tap uto.

Salamo 54:5

E ame he ka bi hwaban monu anyin je iwahnaihmiöny mönya: Ohiʼ ödra but hnyi ânyâm hnathu.

Ta je Vejec 11:8

Adre me omelo at ae wisa ûnyi hnyi vec, Kʼ ame o but at ae kong ka hnyi hnen bi.

Ta je Vejec 19:9

Ame ca he ka ba hwaban ka at ame sit hofuc thoi: Kʼ ame he bi ka hia at ame ha thoi.

Isaia 38:13

Inya oge me hok hnyok ke ne o but hnyi hnyomakatu; ke e ame thu je jeiok hia helâ me liona: U me he ka bi obiny könya hwân hnyi lany ke ne o but hnyi lit.

Jeremia 34:17

Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.

Daniela 3:22

Anyin a wale, ke can ame hwege hna hûna hnen than, ke ti kahwa hmonyin meic, me ame hlingâ ge bâhlân meic tavat adre me hum Saderaka, ke Mesaka, ke Abedenego.

Deuteronomi 24:16

Adre me ca he ka hlingâ je kamen can je nokon, kʼ adre me ca he ka hlingâ je nokon can je kamen: kʼ adre me he ka ve hlingâ at can anyin hulö bi.