Daniela 6:22 - Iaai Bible 1901 (New Caledonia)

²² Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Daniela 6:22 ပူးပေါင်းရင်းမြစ်များ

Genese 40:15

anyin adre hia but venöu nya ûnyi hnyi hnyeiny at Heberu: ke ba ke ûnyi oge hia but ânyâ eang mʼ adre me ip nya ju hnyi hmonop.

II. Samuela 22:7

Oge me hongot kö Iehovo hnyi anyik vec, Eke, oge me hawâ Khanguk: Ke e ame long hok hnyi umen uma, Ke ame o but hwan anyik khöû ka hnyi li hnyikonyen

I. Je Than 13:28

Me e ame he me wâ komok adre khûâ eû hnyi gethen, me asina me liona ödru me tha tot hakekenyâ komok: haba liona ame ca an komok, kʼ ame ca kia minya asina.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Salamo 118:28

U thibi Khonguk, ke oge me he ka ole köu: U thibi Khonguk, oge me he ka ogöranyi u.

Salamo 26:6

Oge me he ka hinyem hnyi hwakecin ae ba hnyikongon; Ke helâe oge me he ka igigilo ânyâm taben hut, Iehova:

Salamo 31:14

Ke so bi, Iehova lö, oge me labageju köu, Haingök, ka habe, U thibi Khonguk.

Salamo 34:7

Ame hunuma angela anyi Iehova igigilo tavat adre me outen e, Me omeli ödra.

Salamo 38:21

Iehova lö, ca hna degeci nya bi: Khonguk lö, ca he ka ûsâkâûö mönya.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Isaia 3:10

Ha thö ka at ae wisa hwakeciu, ka habe, ame he ka hu so gan; anyin adre me he ka an wan anyidra huliwa.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 37:18

Ke haba Jeremia ame ha minya kö Zedekia than, ka habe, Ieû anyik monu köu, me je athnyabaem, me taun ang, mʼ öbun e cö nya?

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 6:20

Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 6:23

Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Daniela 6:4

Ke haba ke li at musi ae beönua ke tavat musi ae gan, me adre me elâm can ga Daniela ûnyi hnyi dokhu; ke ca khanʼ ödra he ka wâ ke can ke hulo: anyin a e hnathu, ke ba monu ke kongon adre me wâ gan.

Daniela 6:7

Öhmun e hia but tha ûhnenamö a öhmun tavat musi hia ae beönua hnyi dokhu, ke je gavena, ke je musi ae gan, ke tavat ûhnenamö, ke je taben, hnân he ka otilâ hnanyibu anyin than, me ohmâ hna nyibon, ki habe, Haba at ame he ka sumâtâ ke ûnyi unyin ke khong me ke at ke ne o but hnyi je bong a thote, ke so bi köu thibi than, me adre me he ka khûâ ka hnyi op liona.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Numera 20:16

ke ohmun e tenge kö Iehova, me ame löng hohmun, me kunâ angela, me hum ohmun ûheny Aigupito: ke wâ bi ohmun ang hnyi Kadesi, a taun hnyi obiny em hnyei:

Mataio 27:46

Ke helâke me hnyi awa a naininy Iesu ame hongot hwege, ka habe, Eli, Eli, lama sabakethani? walang bongon, ka habe, Khonguk, Khonguk lö, ieû gam u me hnö nya but?

Ta je huliwa 12:11

Peteru ame ûnykûme metoâ me e ame ha, ka habe, Oge me wâhmakhmetoâ walang ang a Than ame kunâ anyin angela he ka hûgûnö nya ûnyi hnyi hnyamö Heroda, me hna ûnykûme hia hnen at Juda.

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

Ta je huliwa 27:23

Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu,

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Timoteo 4:17

Ke so bi ame tha tot mönya Than, me ham könya man; me me he ka ti manen dut gak hna khetâ hofuc, me me löng hia Aten ta je hnyei: ke iny möt bi ûnyi hnyi hnyimen liona.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 11:33

waleji tavat adre me hom hwenbâ je dokhu ge labageju, me mâdrâ hwakecin ae wisa, me hu ta je hna ha bânâ, me hlöng ta je hnyimen liona,

I. Samuela 17:37

Ke ame ha Davita, ka habe, haba Iehova at ame omeli nya ûnyi hnyi benyin liona me bea, me e ame he ka omeli nya ûnyi hnyi hnyamen at Filisiti eling. Ke haingö Saulo, ka habe, he thö, kʼ ame he Iehova ka tha e mou.

I. Samuela 26:18

Ke e ame ha, ka habe, Ieû gam tuhok u me hnu athnyabaem? ke ieû oge ânyâ? ke ieû hulö unyik.