Daniela 6:20 - Iaai Bible 1901 (New Caledonia)

²⁰ Ke e ame o but ka hnyi thop kö Daniela, me e ame hongot tenge goranyai: ke haingen than kö Daniela, ka habe, Daniela lö, athnyabainy Khong ae möt, hawa, e khana Khongom, wale at u je bi athnyabainy hnyi je bong he ka omeli u ûnyi ge je liona?

Daniela 6:20 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

I. Man Ûlabainy Je Than. 16:11

Elöm Iehova ju öbun me tang hwegien; Elâm dö hnyimakan nyiele balua.

Salamo 119:112

E hmehmela hnyekuk he ka ânyâ ânyâm ta je hnanyibu, Nyiele balua, ke ne o but obiny.

Salamo 146:2

Oge me he ka oganö Iehova inye tiga möt. Oge me he ka khumöng oganâ Khonguk e me tiga inya ang.

Salamo 73:23

Ke so bi inya bala bi unyâm: U je kât hnyamok a metök.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 3:17

A ne helâe, me khana Khonguhmun, at ohmun e bi athnyabainy he ka hûgûnʼ ohmun ûnyi hnyi thop ae möt hnyin meic; me e ame he ka hûgûnʼ ohmun ûnyi hnyi hnyamâm, than.

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:19

Ke haba than ame vesâ hnyi hnyomakatu, me he logot ka hnyi op liona.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Hosea 12:6

Anyin a wale hmetu ju ka Khongom: tuö ju ibetengiö me hna owisa, ke halubahingen bala Khongom.

Numera 11:23

Ke Iehova ame ha kö Mose, ka habe, Hawa, ame hwân ka okhulit hnyamö Iehova? u me he ka wâ walang ang, ame ne he ka āt, ame ne ca he ka āt hok hofuc.

Luka 1:37

Anyin ae ba hofuc ûnyi ge Khong ame he ka ba maniny.

Luka 18:1

E AME ha ûhöûcû ködrin, me me he tavat ka labö hic bala, ke adre me ca he ka sënyin;

Ta je huliwa 6:4

Ke haba ohmun ang, mʼ ohmun e he balua ka hwege hnyi hic, me huliwa hnyi hwan hofuc.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

II. Korinito 1:10

wale at ame omeli öhmun ûnyi hnyi mok ae gan helâe, kʼ ame he bi ka omeli öhmun: ke öhmun e geju kâu a gʼ ame be bala ka omeli öhmun;

Kolose 4:2

E so öbun e hic ûjöng, me hmâkâ e, me ole;

II. Timoteo 1:12

Can e oge me vecâ ta je ûnyi e; ke inya oge me ca hmehma bi; anyin oge me wâhmakhmeto but e, waleji at oge me labageju kâu, ke mou thö hnyi hnyekuk a e khana he ka tuö hnok hna hna kâu, ke ne o but hnyi bong e.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

Iakobo 1:25

Ke haba at ame selâdrâ hnyi hnanyibu ae wisa waleji ame hnʼ öta, me tet hmâ hnyin, ca at ame löng me hnying bi, ke at bi ame ânyâ me huliwa, ame he ka hnahic at ang hnyi anyin huliwa.

Juda 1:24

Ke so e unyin at ae khana he ka tuʼ öbun, wâ öbun nye ū but, me omanenʼ öbun ae ba hnyikongon hnyi hnyimakan anyin hmanenang me senyin ae gan,