Daniela 6:14 - Iaai Bible 1901 (New Caledonia)

¹⁴ Ke a long ut than hofuc eling, me e ame vec gan hmâ, me ip hmâ hnyi hnyekon he ka omeli Daniela: ke e ame huliwa ke ne o but ame didrut seûno he ka omelo e.

Daniela 6:14 ပူးပေါင်းရင်းမြစ်များ

I. Man Ûlabainy Je Than. 12:35

Me keihen at Dana, ae khanʼ ödrin he ka hnyi vat, ödrin twente eit thauzan ke siks haded.

Esetera 3:8

Ke haba Hamana ame ha kö Asueru than, ka habe, E hu tavat adre me vese me ve laba hnyi je hnyei a je ke keihen hia hnyi dokhom dokhu; ke e ke anyidrin je hnanyibu me ta ogo hnyei hia thithö; ke ödrin e ca ânyâ je hnanyibu anyin than: anyin a wale e ca ûcû bi ka than he ka hokhnyoki ödrin.

Daniela 1:6

Ke wale unyidra, a hanen lakon Juda, Daniela, ke Hanania, ke Misaela, ke Azaria.

Daniela 3:12

Wale keihen at Juda u je hia but otilâ hon ta je ûnyi hnyi hnyei Babulona, jia Sadereka, ke Mesaka, ke Abedenego; haba hnyat eling, than lö, ödrin e ca long köu: ödrin e ca bi I athnyaba ka ânyâm je khong, me khudrung ka hnatheat gol u je otilâ.

Daniela 3:13

Me ame hmönyi Nebukaneza ke wathethot, me ûkhûnöng he ka hum Saderaka, ke Mesaka, ke Abedenego. Me adre me hom je hnyat eling ka than.

Mareko 6:26

Me ame hmak ut hnyekon than, ke ûnyi bi ge hna khemanyin, me ge tavat adre me tha laba mē, e ame ca behânâ kâu.