Daniela 5:5 - Iaai Bible 1901 (New Caledonia)

⁵ Haba hnyi awa eling ame o but je banyen at, me sihnalimen cico taben lamepa hnyi hna up uma hnyi uma umen than: ke a wâ but than hanen hnyam at a sihnalimen.

Daniela 5:5 ပူးပေါင်းရင်းမြစ်များ

Jobu 20:5

A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Jeremia 50:43

A löng ut than Babulona ge ûlungidra, me ame sënyin li hnyamen; ame khaû ju e hnen hlöuhlöu, me vec helâ me momo ame vec hnyekon.

Daniela 4:31

Ke tiga e hofuc hnyi hnyimen than, me ame o but ke hofuc ûnyi hnyi drany, ka habe, Nebukaneza than lö, adre me ha köu ke hofuc: a gʼ adre hia but hûgûnâ dokhu gam.

Daniela 4:33

Ke haba hnyi awa eling ame hwâdâ thö kö Nebukaneza: me adre me obâ e unyin tavat, me e ame han önying helâ me bolok, ke khubet unyin ge dân hau ûnyi hnyi drany, ke ne o but ame beû but leûnen ban helâ me leûnen aeto, ke helâ me ûjimen bacan meno ame gâ je boûjimen.

Daniela 5:15

Ke adre hia but hom tavat ae metâ ka hnyi hnyimakök, a tavat bihihwakecin, inʼ adre me he ka aû hna sihnalimen ang me omanenâ könya bongon: ke ca khanʼ ödra omanenâ bongon ûnyi e.

Daniela 5:4

Adre me ic waina me ogânâ je khong gol me sileva, me bras, me fao, me uto, me veto.

Daniela 5:6

Me ame hwio hnyimakan than, ke ame ohmakâ e hnen je ûnykûmenen; ke ame memen dut je jeien hnyin, ke ame öbubuny but li boucan.

Daniela 5:8

Ke ame o but tavat metâ hia anyin than: ke ca khanʼ ödrin he ka aû hna sihnalimen, me omananâ bongon ka than.

Kolose 2:14

ke e ame kot degecâ hna sihnalimen ta je hna hûna ae iwahnaihmiony mʼ öta, me ûcû öta, ke e ame hia but hom degecâ e ûnyi hnyi wanben, kʼ ame thu faoiny hnyi anyin satauro;