Daniela 4:31 - Iaai Bible 1901 (New Caledonia)

³¹ Ke tiga e hofuc hnyi hnyimen than, me ame o but ke hofuc ûnyi hnyi drany, ka habe, Nebukaneza than lö, adre me ha köu ke hofuc: a gʼ adre hia but hûgûnâ dokhu gam.

Daniela 4:31 ပူးပေါင်းရင်းမြစ်များ

Genese 14:18

Ke haba Melekisedeke than Salema ame hok areto me waina: ke e at bi hut ka Khong ae Beönua.

Jobu 20:23

E ka tiga he ka sekon, Kʼ ame he Khong ka kunâ kâû anyin hmonyin ae hwege, Me hingölâ ka hnyi hon, e ka tiga han.

Salamo 145:13

Haba dokhom dokhu, dökhu a nyiele balua, Me ka ta je dö hia thithö ânyâm musi.

Ta je Vejec 29:23

Haba bigan anyin at, me ame ohnyikânâ e: Kʼ adre me he ka ogânâ at ame hnyok hnyikânâ.

Isaia 14:27

Anyin a hia but ûnykûme hnö Iehova tuhan sabaoth, ke ie at bi ame he ka thawâ e? ke ame hai hnyamen, ke ie at ame he ka ohmetu e?

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 4:24

than lö, walang bongon, ke wale musi anyin At ae Beönua, ame he ka o ka tuhok a than:

Daniela 4:26

Ke haba hna hûna he ka hnen biju hnyiban ûö ke wân, me wale ame he ka hmâ köu dokhom dokhu, e ka khanö u thö a gʼ ame musi drany.

Daniela 4:30

Ke haingen than, ka habe, Hawa, ca Babulona ang ae gan, waleji oge me op hnân hnyaban than hnen manik man ae hwege, ke hnân he ka ogânâ anyik hmanenang.

Daniela 4:32

Me adre me he ka obö u unyin tavat, me u me he ka tha laba me ta je menoiny hnyot; u m he bi ka han önying helâ me bolok ke ame he ka seven je ûâm, ke ne o but ame khanö u thö a gʼ ame musi At ae Beönua hnyi dokhu dokhon tavat, me ham e ka at e ame weny kâu.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Daniela 5:28

PARES; adre hia but kia dokhom dökhu me ham ka at Madai me Peresi.

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Ioane 12:28

Cica lö, ogânâ thö iâm. Me ame o but hofuc ûnyi hnyi drany, ka habe Oge hia but ogânâ, ke oge me he hmetu ka ogânâ.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Hna Omanenâ 16:7

Ke oge me löng taben hut ame fuc, ka habe, Eke, Than a Khong Ataekhanahia lö, e hnathu me wisa hnâm je hna bi hwaban.

I. Samuela 13:14

Ke walang ang ame ca he ka tet hmâ dokhom dökhu: ke Iehova ame hia but elâm at ae ûcû me hnyekon bi, ke Iehova ame hia but ûca at eling me me tuhan lakeiny, anyin a u je ca tuö ûnyi waleji Iehova ame hûna köu.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.