Daniela 4:1 - Iaai Bible 1901 (New Caledonia)

¹ INYA Nebukaneza than, ame ha ka tavat hia, me je hnyei me je ve hwen hnyei bi, tavat adre me labâ hmeledrany hia, ka habe, E so ame osehiâ anyibun hnahic.

Daniela 4:1 ပူးပေါင်းရင်းမြစ်များ

I. Man Ûlabainy Je Than. 12:18

Me haba hanu ame o kö Amasai wale taben thote, haingen, ka habe, Davita lö, ohmun je atâm, me je lahiâm, nöku Jese lö: ûsoköu, ûsoköu köu, me ûsoköu ka tavat adre me hadruo u, anyin a Khongom ame hadruo u. Haba Davita ame kop ödrin me otilʼ ödrin hnân je taben vat.

Ezera 4:17

Me haba than ame ûkhûnöng he ka thu kö Rehum at owisa, me Simesai at sihnalimen, me je kolon je lahanödru hnyat adre me laba hnyi Samaria, me je kolon hnyi ke keihen hoton wagewe, ka habe, Hnahic ut, me hofuc helâe.

Ezera 5:7

ödrin e kunâ tusi kâu, ke adre sihnalimen hnyin helâng, ka habe, Kö Dariu than, hnahic hia but.

Esetera 3:12

Me adre me hawâ tavat sihnalimen anyin than hnyi bong a thötininy tehi a bân, me adre me sihnalimen helâ me hnö Hamana hna hûna ka tavat musi ae beönua anyin than, me je gavena hnyi je ke keihen hnyei, me tavat muso je hnyei; ka ke ke keihen me ke ke keihen hnyei helâ me hna sihnalimen, me ka ke hnyei me ke hnyei hoton hwan je hnyei; ke adre me sihnalimen hnyi iö Asueru than, ke adre me ohmâ haten hnen wen banyen than.

Esetera 8:9

Me adre me hawâ tavat sihnalimen anyin than hnyi ûen eling, hnyi tehi a kuniny wale tehi Sivan, hnyi bong a twente theriny; ke adre me sihnalimen helâ me hna hûna hia ga Modikai ka at Juda, me tavat musi ae beönua, me je gavena, me je taben hnyi je ke keihen hnyei, hwân hnyi India ke ne o but Aithiope, wan haded ke twente seven je ke keihen hnyei, ka hnyi je ke keihen hia hoton hna sihnalimen me ka at Juda hoton hna sihnalimen, me ifucidrin.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.

Daniela 3:4

Me ame ha gânâ hnen at bi hnyimen musi, ka habe, Walang hnanyibu köbun tavat lö me je hnyei, me je ve hwen hnyei, ka habe,

Daniela 6:25

Ke haba Dariu than ame sihnalimen ka tavat hiâ, ke ta je hnyei, ke je ve hwen hnyei, a tavat adre me labâ hmeledrany hia, ka habe, E so öbun e hnahic hmonyin.

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Ta je huliwa 2:6

Ke adre me long ut lung eling, me ame ûkhacaköu thö tavat ae se hia, ke adre me lâiâ gan hmâ, anyin adre me long ödrin e fuc hnyi je ve hodra bi.

Roma 1:7

e so e he ka ê unyibun betenge baû me hnahic ûnyi ge Khong a Kamöta me Than Iesu Keriso; ka tavat hia e Roma, je oûnykûmen Khong, me hna hawâ hnân tavat ae kap.

Efeso 1:2

E so e unyibun ibetengiö baû me hnahic ûnyi ge Khong a Kamöta, me Than Iesu Keriso.

I. Timoteo 1:2

oge me sihnalimen kö Timoteo, a hing nokuk hnyi labageju: E so e unyâm ibetengiö baû, me tang ibetengiö, me hnahic, ûnyi ge Khong a Kamen, me Keriso Iesu a Tuhöta.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.