Daniela 3:28 - Iaai Bible 1901 (New Caledonia)

²⁸ Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 3:28 ပူးပေါင်းရင်းမြစ်များ

Genese 9:26

Ke e ame ha, ka habe, Haisoi Iehova, Khongu Sema; Me hamö Kanana ka bi athnyabainy.

I. Man Ûlabainy Je Than. 5:20

Ke adre hadruʼ ödrin he ka vat mödrin, ke adre hna ködrin at Hagara, me je lahiödrin hia: anyin a ödrin e hongot kö Iehova hnyi vat, me e ame ling ödrin; anyin a ödrin e labageju kâu.

II. Man Ûlabainy Je Than. 20:20

Ke ödrin e vesâ hnyi hnyomakatu me he ka hnyi hnyebuba hnyi Tekoa: ke ödrin e tiga he, me haba Jehosafata ame tot me ha, ka habe, Juda lö me aten Jerusalema, löng ju könya: labageju kö Iehova Khongubun, mʼ öbun e he ka tethmâ; labageju ka anyin je perofeta me öbun e he ka hnahic.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Ezera 1:3

Haba at unyibun a hanen lakeiny hia, ke so e he Khong ka tha e mē, ke so e ame he thö Jerusalema ai, wale hnyi hnyei Juda, me me hnyi op uma umo Iehova, Khongu Isaraela, hnyi Jerusalema, (e thibi Khong).

Ezera 6:11

Ke oge me hia but hûna minya, a haba tavat hia thithö adre me he ka wia hofuc ang, adre me he ka oc ut ke uto ûnyi hnyi umen uma, me adre me he ka ogöranyâ e me ca e hon; me ame he umen uma ka hnân hna digic thatûnyi can e:

Salamo 103:20

Haisoi Iehova ju, öbun ta je angela unyin: Öbun hnyat ae man hnyi tang hwege, a hnyat ânyâ hwan hofuc, Me tevehlöng ifucin.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Salamo 33:18

Wâ bi, e bi emakö Iehova hon tavat adre me outen e, Wale tavat adre me halubahingen anyin tang betenge;

Salamo 33:21

Ame he je hnyekuta ka senyin kâu, Anyin a otin e labageju ka ien ae kap.

Salamo 34:22

Iehova ame omelo hanon lathnyabainy; Ke adre me ca ho ka hangâ ke at unyin tavat adre me labageju kâu.

Salamo 62:8

Tavat lö, labageju thö kâu hnyi je bong; Hingâlâ but je hnyekubun hnyi hnyimakan: Khong thibi hnöta hnabâ. [Sela.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 3:25

Me e ame thu me ha, ka habe, Wâ bi, oge me wâ hnyat a ödrin vak kʼ adre thang bi, ödrin e ngenu hnyin meic, kʼ ödrin e ca kong bi; ke haba unyin at a vakiny, me helâ me unyin ke khong.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Daniela 6:16

Ke than ame hûna me adre me lili Daniela, me khûâ e ka hnyi op liona. Ke haingen than kö Daniela, ka habe, Haba Khongom, wale u je bi athnyabainy hnyi je bong, me e ame he ka omeli u.

Daniela 6:26

Inya oge me otilâ hnanyibu, ka habe, haba hnyi ta je ke keihen hia dökhuk dokhu, me hamen tavat he ka ot me öbubuny hnyi hnyimakan Khongu Daniela: anyin a e Khong ae möt, kʼ ame tethmâ nyiele balua, ke adre me ca he bi ka ohia dokhon dokhu, ke hamen bi he ka musi ke ne o but hnyi obiny:

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Ta je huliwa 4:19

Ke haba Peteru me Ioane ödru me thu ködrin, ka habe, Ûnykûme ju öbun ame ne wisa hnyi hnyimakan Khong he ka ling öbun, ame ne he ka long Khong:

Ta je huliwa 5:19

Ke ame khong je hwanumen uma ceat hnen angela anyin Than hnyi hnyinghet, me hum ödrin dut hnyou ai, me ha, ka habe,

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

I. Korinito 13:3

Ke oge ne khenâ anyik ta je ûnyi hnân hān tavat ae theduoc, ke oge ne ham unyik mʼ adre me he ka thong degecâ, ke ba gak ibetengiö, awe, e ba troban könya.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 11:37

adre me lûâ keihen ge veto, kʼ adre me gilo lu ödra, kʼ adre me cubic ödra, kʼ adre hlingʼ ödra ge hele vat: kʼ adre me he baû me je ûkhaû a unen mamoe me got; ödra theduoc, me vec, kʼ adre okongu ʼdra

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

Hna Omanenâ 12:11

Ke adre me hwege hon ûnyi ge dren Arenio, me hofuc adre me ohnatho; ke adre me ca hnyokâ anyidra möt ke ne o but mok.