Daniela 2:38 - Iaai Bible 1901 (New Caledonia)

³⁸ Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Daniela 2:38 ပူးပေါင်းရင်းမြစ်များ

Jeremia 34:1

WALANG hofuc ame o kö Jeremia ûnyi ga Iehova, waleji hnyi hnö Nebukaneza than Babulona, me anyin utbavat hia, me je dokhu hia e ame muso eang hmelen, me je tavat hia adre me vat me Jerusalema, me je tauniny hia, ame ha, ka habe,

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Daniela 2:32

Ke haba ban hnatheat eling, me gol ae so, ke haba ûlainy ke li benyin, me sileva, ke haba hnyekon ke li jevan, me bras,

Daniela 2:39

Ke hwabâm dö ame he ka kû ke dokhu ae ûhnyûkong hmelâm; ke ke dokhu minya a kuniny, a bras, e ame he ka muso hmeledrany hia.

Daniela 4:18

Wale bwik waleji oge bwo, inya Nebukaneza than: ke hamâm Beletisaza he ka omanenâ bongon könya, anyin ae ca khana bi tavat hia ae metâ hnyi dökhuk dokhu he ka omanenâ könya bongon; ke e khanö u, anyin a e unyâm hanon je khong ae kap.

Daniela 5:18

Than lö, Khong ae Beönua ame ham kö Nebukaneza a kamâm dökhu, me hna ogânâ, me mec, me hmanenang:

Daniela 7:4

Haba at a bân, me helâ me liona, ke hu li labenyin aeto gan: inya oge me wâ ke ne o but adre hia thö hnimö li labenyin, ke adre kap e goranyai ûnyi hnyi kânâ, me otilâ e ge li can helâ me at, ke adre me ham kâu hnyekon at.