Daniela 2:31 - Iaai Bible 1901 (New Caledonia)

³¹ Than lö, u je wâ, me wâ bi hnatheat ae gan. Ke haba hnatheat eling, wale ae gan, ke ti so hmonyin hmanenanginy, me ame tot hnyi hnyimâkâm; ke hnân outen e at ka wâ.

Daniela 2:31 ပူးပေါင်းရင်းမြစ်များ

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Ezekiela 28:7

wâ bi, haba can eling, me oge me he ka oâ köu je atkanyua, tavat adre me outen hnyi ta je hnyei: ke adre me he ka oc anyidra je hele vat me okongoâ hmanenanginy ânyâm metâ, kʼ adre me he bi ka oikikiâ ânyâm hmanenang.

Daniela 2:36

Wale bwi; ke ohmun e he ka omanenâ hnyi hnyimakan than bongon e.

Daniela 2:37

U than lö, thaniny ta je than, ke Khongon drany ame ham köu dokhu, me man, me tang hwege, me hmanenang;

Daniela 3:1

HABA Nebukaneza than ame ânyâ hnatheat gol, ke sikste kubit ibeûen goranyai, ke siks ta kubit ûlauen: me e ame otilâ e hnyi dok ae tha hon hnyi Dura, hnyi hnyei Babulona.

Daniela 4:36

Hnyi ûen eling ame hmetu hnyekuk könya; ke ame hmetu thö könya anyik lung ke anyik hmanenang, me me mec dökhuk dokhu; ke ame elom nya hmetu hnen anyik tavat ûhnenamö me anyik je taben; ke adre ohmö nya hmetu thö hnyi dökhuk dokhu, ke adre bi hanen anyik hmanenang ae gan.

Habakuka 1:7

Ödra tavat hnân outen me öbubuny gadra: ame ka o bi gadra hna owisa me hmanenangidra.

Mataio 4:8

Ke haba diabolo ame hom hmetu e ka hnyi bucen ae beû hmâ, me omanenâ kâû ta je dökhu hia eang hmeledrany, ke ta je hmanenanginy;

Luka 4:5

Ke e ame lelö thö e, me omanenâ kâu ta je dokhu hia thithö eang hmeledrany helâ me thuthubademak.