Daniela 11:45 - Iaai Bible 1901 (New Caledonia)

⁴⁵ Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Daniela 11:45 ပူးပေါင်းရင်းမြစ်များ

Salamo 48:2

E hmanenang ûtilen ethö, ke hnân osenyinâ hmeledrany hia thithö, A buoen Ziona, hnyi je ke keihen ka hnyi hwadro, Taun anyin than ae gan.

Isaia 10:12

Anyin a wale e ka hia but Than umo anyin huliwa hia ka bucen Ziona me Jerusalema, me oge me he ka senâ wan hnyok bigan anyin than Asuria, me hmanenanginy li emakan ame begörany.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 14:13

Ke u je ha eû hnyi hnyekom, ka habe, Oge me he ka ölö hnyi dranyai, oge me he ka ogöranyâ anyik theron hon je okhû anyin Khong; ke oge me he ka laba hon buceniny ûkhacaköu hnyi ke keihen ka hnyi hwadro:

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Ezekiela 39:2

ke oge me he ka ohmetu u, me lili u, me oi u ûhem hnyi hwadro hmönyin; ke oge me he ka hum u ka hnyi je bucen Isaraela:

Daniela 11:16

Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Daniela 11:41

E ame he ka he minya ka hnyi hnyei ae hmanenang, ke ame he ka ta je hnyei ae se hia: ke ame he ka kec möt gan, Edoma, ke Moaba, ke lakon Amona ae beönua.

Daniela 11:44

Ke ame he ka ohmakâ e je ûthumetu ûheny jimeyö me hnyi hwadro; ke e ame he ka he me hmonyin ae gan ka hlingâ me ti ohia hmonyin tavat ae se hia.

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Daniela 7:26

Ke adre me he ka laba he ka ûhnei, ke adre me he ka hûgûnâ anyin musi, he ka ohia e, me oumo, ke ne o but obiny.

Daniela 8:25

Ke ûnyi hnyi anyin bihihwakecin ame he ka sot iyawo hnyi hnyamen: ke e ame he ka ogânâ e bi hnyi hnyekon, ke e ame he ka ohia tavat ae se hia adre me laba khotkic: e ame he minya ka tot ka thaniny ta je than; ke so bi, e ame he ka hmetru, ke ca hnen bi hnyam.

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Daniela 9:20

Ke inya oge me tiga fuc, me hic, me omanenâ anyik hulo, me hulo anyin je liamekeiny mönya a at Isaraela, me ip gaga hnyi hnyimakö Iehova Khonguk anyik khöû hobi kâu bucen ae kap anyin Khonguk;

Joela 2:20

ke oge me he ka öûsâkâûöâ mʼ öbun utbavat ûnyi hnyi hwadro, me obâ e ka hnyi hnyei ae hwahwacit me ba wan, haba hnyimakan e ka hnyi köiö e deiö, me hoton ka hnyi köiö e jio; ke ame he ka o anyin bokong, j ke ame he ka o bunen anyin bobot, anyin a e ame hia but ânyâ ta je ûnyi ae gan.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Zakaria 14:8

Ke haba hnyi bong eling ame he ka di köiö möt ûheny Jerusalema; ame he ka di hanen ka hnyi köiö e deiö, ke ke hanen ka hnyi köiö e jio: ame he ka e bi hnyi honivakeny me hnyeun.

Numera 34:5

ke ame he ka khenyi hnyigöulen ûheny Azemona ke ne o but hnyi wageweiny Aigupito, kʼ ame he ka umo hnyi köiö.

II. Thesalonika. 2:4

wale at ame bi iwahnaihmiony, me ka hamen ogö-ranyâ e hon ta je ûnyi hia thithö adre me ha me Khong, me hna khudrung kâu; waleling me me laba hnyi uma umen Khong, me ka omanenâ e bi, ka habe, e Khong.

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,

Hna Omanenâ 20:9

Ke adre me ölö thö me dedo hmeledrany, me igigilo hunuma anyin wakap, me taun ae oûnykûminy: ke ame o but meic ûnyi hnyi drany me thong degeci ödra.