Daniela 11:44 - Iaai Bible 1901 (New Caledonia)

⁴⁴ Ke ame he ka ohmakâ e je ûthumetu ûheny jimeyö me hnyi hwadro; ke e ame he ka he me hmonyin ae gan ka hlingâ me ti ohia hmonyin tavat ae se hia.

Daniela 11:44 ပူးပေါင်းရင်းမြစ်များ

Daniela 11:11

Ke ame he ka hmonyin hnyekon than hnyi hwaiöu, ke e ame he ka he me vat më, wale a than hnyi hwadro: ke e ame he ka otilâ metâ utbavat ae gan, ke adre me he ka hna utbavat eji ka hnyi hnyamen.

Daniela 11:30

Anyin ame he je huiny Kitim ka he ûcon; anyin a wale, e ame he ka hmak, me hmetu me hmonyin ka ûhihinyköu ae kap, me ânyâ weny bi: e ame he ka hmetu me tha ûhnenamö me tavat adre rae degec ûhihinyköu ae kap.

Daniela 11:43

Ke e ame he ka muso ta je tang omjeû, je gol, me sileva, me je ûnyi hnathuiny Aigupito hia: ke ame he at Libua me Aithiop ka he hoton.

Daniela 11:45

Ke e ame he ka otilâ je uma manoiny hnyaban hnyi wanben köiö me bucen ae hmanenang ae kap; ke ame he ka o obiny kâu, ke ba at ame he ka hadruâ e.

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.

Hna Omanenâ 17:13

Khaca thibi je hnyekudrin, ke ödrin e ham manidrin man me anyidrin musi ka meno.