Daniela 11:40 - Iaai Bible 1901 (New Caledonia)

⁴⁰ Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 11:40 ပူးပေါင်းရင်းမြစ်များ

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 5:28

e so homakan anyidra je fana, ke oto anyidra je cafana hia, ke helâ me oût je boûjimen can haledra je hors, ke helâ me hou anyidra je waengen:

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Jeremia 4:13

Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

Ezekiela 38:4

ke oge me he ka ohmetu u, me det hnyimâm ge je wage, me oge me he ka lili u but, me ânyâm utbavat hia, je hors, me tavat tabö hors, adre me khavâ khaûen vat ae bekhot, a bunyen ae gan hmâ, tavat ae hu gadra bec, me bec ae gan, ödra hia adre me hok hele vat:

Ezekiela 38:9

Ke u me he ka ölö me o helâ me weneû, u me he ka helâ me ûlâ ame tube hnyei, u, me ânyâm je deö vat hia, me je hnyei ae se hia tha ödra möu.

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Daniela 11:11

Ke ame he ka hmonyin hnyekon than hnyi hwaiöu, ke e ame he ka he me vat më, wale a than hnyi hwadro: ke e ame he ka otilâ metâ utbavat ae gan, ke adre me he ka hna utbavat eji ka hnyi hnyamen.

Daniela 11:13

Ke ame he ka hmetu than hnyi hwadro, me otilâ utbavat ae gan hon a bân; ke e ka um dö je ûen, wale je huna, me e ame he ka oâ je utbavat ae gan me omjeû ae gan.

Daniela 11:22

Ke ame he ka khutu takoû e je vat ae uoû hnyi hnyimakan, me hmouca but; eke, thaniny ûhihinyköu minya.

Daniela 11:25

Ke e ame he ka obwebwelâ maniny man ke tang hwegein hnyekon, ke je utbavat ae gan, ûcon than hnyi hwaiöu; kʼ ame he than hnyi hwaiöu ka vat, a tha e ke utbavat ae gan hmâ ke hwege: ke e ame ca he bi ka tot, anyin adre me he bi ka ânyâ bihihwakecin kâu.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 11:39

Ke e ame he ka ânyâ ûcon je hnabâ ae ti hwege a tha hien me khong khanyua; ke haba at ame he ka nom kâu me e ame he ka bi hanen kâu hmanenang: ke e ame he ka kunʼ ödrin ka muso tavat ae se hia, me khenâ hnyei ge hwaban.

Daniela 11:7

Ke ame ke ka o ke khûen ge iwân hlu, hnyi hnen at eling, wale ame he ka o ka hnyi utbavat, me ame he ka delec hnabâ anyin than hnyi hwadro, me bi ovhelidra, ke ame he ka hwege:

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 12:9

Ke haingen, ka habe, Daniela lö, he thö; anyin adre hia but ikhâlâ me ohmâ haten ta je ûnyi e ke ne o but hnyi ûen obiny.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Habakuka 3:14

U je dâoâ taben je aten vat gan ge dân bi je ö: Adre me utut helâ me höu he ka ovesei nya; Adre me senyin helâ ke at ame he ka han duöngâ at ae ba ta ûnyi.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.

Hna Omanenâ 9:16

Ke haba ûseiny tavat vat a tavat tabö hors, me lo li ten thauzan ta je thauzan: oge me löng ûseidra.