Daniela 11:4 - Iaai Bible 1901 (New Caledonia)

⁴ Ke e ka tot, me ame he ka hmetru dokhon dökhu, me adre me he ka kia vâkâ e ka hnyi vak ta anginy drany: ke ca hobi kâu bi je mâtrâniny, ke ca hoton anyin musi; anyin adre me he ka oc dokhon dökhu, me me hobi kâu ke je hnyat, ke ca ödrin bi.

Daniela 11:4 ပူးပေါင်းရင်းမြစ်များ

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

Jeremia 12:15

Ke iny ka hia but uk ödra oge me he ka hmetu me betenge gadra; ke oge me he ka ve ohmetu ödra ka hnyi je idra, me idra ta hnyei.

Jeremia 12:17

Ke adre ne ca he ka löng, me oge me he ka oc degecâ, me ohia hnyei eling haingö Iehova.

Jeremia 18:7

Hnyi ûen oge me he ka fuc ge ke hnyei me ke dokhu, he; ka oc ut, me hagutâ me ohia e;

Jeremia 31:40

Ke ame he ka kap kö Iehova hnyigöulen bucen hia anyin je komok, me je hnabadröu, me je utkânâ hia ke ne o but hnyi wagewe Kederon, ke ne o but hnyi kopiny homagouleny je hors e deiö; adre me ca he hmetu ka oc e, me kia nyiele balua.

Jeremia 45:4

U me he ka ha helâng kâu, ka habe, Walang hna ha hnö Iehova, ka habe, Wâ bi, haba hnok hna op goranyai oge me he ka kia but, ke haba hnok hna tā oge me he ka oc hmetu; waleling hnyei hia eang.

Jeremia 49:36

Ke oge me he ka oâ kö Elama je ang a vak hnyi vak ta ke keihen drany, ke oge me he ka ovesei ödra ka hnyi vak ta ang hia; ke ame he ka ba hnyei ame ca he ka o ka hnyin hnödra hna obâ ûnyi hnyi Elama.

Ezekiela 37:9

Me e ame ha könya, ka habe, Nokon at lö, perefota thö ka ang, perofeta thö me ba ka ang, ka habe, Walang hna ha hnen Than Iehova, ha habe, Homenâ lö, aiö u ûnyi hnyi je ang a vak, me menâ ka hnyi hon je hna hlingâ ejo, mʼ ödrin e he ka möt bi.

Daniela 7:2

Haingö Daniela, ka habe, Oge me wâ hnyi hna omanenâ könya hnyi lit, ke wâ bi, ame ûhalupköu vak ta ang hon köiö ae gan.

Daniela 7:6

Hwaban e, inya oge me wâ, ke wâ bi ke meno helâ me lepad, ke e hu hnyi hoton vak ta labenyin meno ame gâ; ke vak ta ban meno eling; ke adre ham kâu he ka musi.

Daniela 7:8

Inya oge me ûnykûme je faoiny, ke wâ bi, ame o but hnyi wanben ke faoiny ae ûhnyûkong, ke adre oc wia hnyi hnyimakan e ta faoiny a kun a bân; ke wâ bi, hnyi faoiny eling je ecmak helâ me je emakan at, me hnyem at ame ha je ûnyi ae gan.

Daniela 8:22

Ke haba at ae hmetru, waleji ame o thö vak hwaban, me wale ame he ka o vak ta dökhu ûnyi hnyi hnyei, ke ca helâ me maniny e.

Daniela 8:8

Ke haba got baga ame ka ogânâ hmonyin e bi: ke hwege but e me hmetru but faoiny ae gan; ke ame o thö vak ta fao ae gan hwaban e, cico vak ta ang hnyi drany.

Zakaria 2:6

E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä.

Zakaria 6:5

Ke haba angela ame thu me ha könya, ka habe, Wale je ang a vakiny drany, hnyat ödrin e he ûhedrin hnyi hna tot hnyi hnyimakan Thaniny hmeledrany.

Mataio 12:25

Ke e ame wâ je ûnykûmenödrin, me e ame ha ködrin, ka habe, Haba je dökhu hia adre imouköu gadra, me ame he ka ba wan; ke ame ca he ka tethmâ taun ame ne hnyaba adre me imouköu gadra:

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Hna Omanenâ 7:1

KE hwaban e oge me wâ je angela a vak ödrin e tot hnyi vak ta ke keihen hmeledrany, kʼ ödrin e kât vak ta ang hnyi hmeledrany, me me ca he ka hwege ang ka hnyi hmeledrany, me köiö, me ke ûö a khaca.