Daniela 11:36 - Iaai Bible 1901 (New Caledonia)

³⁶ Ke ame he than ka ânyâ hoton weny; ke e ame he ka ogânâ e bi, me ogöranyâ e bi hon ta je khong hia, me ha ta je ûnyi hnân outen ge Khongon ta je khong: ke e ame he ka sot ke ne o but ame hwâdâ but hmonyin; anyin adre me he ka ânyâ hna mou hnyok ka hnyin.

Daniela 11:36 ပူးပေါင်းရင်းမြစ်များ

Salamo 136:2

Oleâ ju ka Khongon ta je khong: Anyin a nyiele balua anyin ibetengiö.

Salamo 33:10

Iehova ame oûnyibâûâ je ûhnenamö anyin ta je hnyei: E ame oba troban je ûnykûmenen tavat.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Isaia 10:23

Anyin a haba ûohiö waleji adre ip hmâ, me ame he Than Iehova tuhan sabaoth ka ânyâ hnyi wanben hmeledrany hia.

Isaia 10:25

Anyin a mē okhaca, me ame he ka hwâdâ wathethot, me anyik hmonyin hnyi ûohiʼ ödra bi.

Isaia 10:5

Ekölö ge at Asuria, osöiny anyik hmönyin, ke utöhmu hnyi hnyamen anyik wathethot!

Isaia 14:13

Ke u je ha eû hnyi hnyekom, ka habe, Oge me he ka ölö hnyi dranyai, oge me he ka ogöranyâ anyik theron hon je okhû anyin Khong; ke oge me he ka laba hon buceniny ûkhacaköu hnyi ke keihen ka hnyi hwadro:

Isaia 14:14

oge me he ka ölö hon je ûlâ; oge me he ka helâ me Beönua.

Isaia 26:20

Aiö u, ik hnyei, didro ka hnyi je hnyeulem, ke hlöng ju hwanuma hwabâm: ke ikhölö ju helâ me thuthubadecmak ke ne o but ame hia but hmonyin,

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Isaia 46:10

at ame haimemenâ obiny ûnyi hnyi can, ke ame ha ehac ta je ûnyi a ödra, tiga ca ânyâ bi; kʼ ame ha, ka habe, Ame he ka tethmâ anyik musi, ke oge me he bi nya ka ânyâ hia wek:

Isaia 57:9

Ke u je hom wakaco ka than, me osehia ânyâm je ûnyi ae bo so, ke u je kunâ ânyâm je uthumetu sâkâû ai, me ohnyikânâi u bi ke ne o but hnyi hedis.

Ezekiela 28:2

Nokon at lö, ha thö ka je tuhan Turo, ka habe, Walang hna ha hnen Than Iehova, ka habe, Anyin ae bi gan hnyekom, ke u je ha, ka habe, Inya ang ke khong, me oge me Aba hnyi tap taben Khong hnyi wanben je köiö; ke so bi u thibi at ke ca Khong, ke u je oûco hnyekom me hnyekon Khong:

Ezekiela 35:13

Ke öbun e hia but bi gan könya ge je hnyimöbun, me osehia hobun je hofuc könya: oge me long ut.

Daniela 11:16

Ke haba at ame he ka he ûcon, me ame he ka ânyâ hoton weny, ke ba at ame he ka ot hnyi hnyimakan: ke e ame he ka tot hnyi hnyei ae hmanenang, ke e bi hnyi hnyamen ûokonguny.

Daniela 11:3

Ke ame he ka tot ke than at ae hwege, at ame he ka musi ge musi ae gan, me ânyâ helâ me weny.

Daniela 11:37

Ke e ame ea he ka ûnykûme je khongon lakamen, me wenyâ omomo, me ûnykûme ka ke khong bi: anyin a e ame he ka ogânâ e bi hudrin hia.

Daniela 12:7

Ke oge me long at ame khavâ lino, at ame laba hon köien wagawe, me ame ogöranyâ hnyamen a metân me hnyamen a meny ka hnyi drany, me khemanyin gan at ae möt nyiele balua a gʼ ame he ka hobi kâu ûen, me lo li ûen, me ûen me haf: ke e ka hia but oveseâ maniny hnyei ae kap, awe, ame he ka hwâdâ ta je ûnyi hia eling.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Daniela 5:19

ke can hna oganâ e adre me ham kâu, me ame öbubuny me ot hnyi hnyimakan tavat hia, me ta je hnyei, me je ve hwen hnyei: e ame hlingâ hnen hna behlingâ, me omelo hnen hna beomelö; ke e ame ogânâ hnen hna beogânâ, me ohnyikânâ hnen hna beöhnyikânâ.

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Daniela 7:8

Inya oge me ûnykûme je faoiny, ke wâ bi, ame o but hnyi wanben ke faoiny ae ûhnyûkong, ke adre oc wia hnyi hnyimakan e ta faoiny a kun a bân; ke wâ bi, hnyi faoiny eling je ecmak helâ me je emakan at, me hnyem at ame ha je ûnyi ae gan.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Daniela 8:4

Inya oge me wâ mamoe baga ame hagutâ jio, me ka hnyi hwadro, me ka hnyi hwaiöu; ke ca khana ke meno he ka tot hnyi hnyimakan, ke ba at ae khana he ka hûgûnâ gan; ke e ame ânyâ hoton weny, kʼ ame ogânâ e bi.

Zakaria 11:16

Anyin a wâ bi, oge me he ka oâ at ame tuö mamoe hnyi hnyei, at ame ca he ka senʼ ödra wale adre subâ degecâ, ke e ame ca he ka elâm je mamoe adre ve se but, me ometo je aat; ke e ame ca he ka han je mamoe ae hwege, ke e ame he ka an viny ae pipikhenya, me kia amemâ je boûjimödrin.

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ta je huliwa 4:28

ke so bi he ka ânyâ thibi ta je unyi adre ip hmâ adrem ge hnyamâm me ânyâm musi he ka mâdrâ.

Deuteronomi 10:17

Anyin a haba Iehova Khongubun, me Khongon je khong, me Thaniny je than, e Khong ae gan, me man, me hnân outen, kʼ ame ca wâhmakhmetoâ at, kʼ ame ca kap hwaban.

II. Thesalonika. 2:3

ca he ke at ka iyâwʼ öbun bi ge ke ûnyi: anyin ame ca he ka o bong eling, e ka ca bân ka o kolu but a tavat, me adre me he ka omanenâ but aten hulo, wale aten hnaûhango,

II. Thesalonika. 2:4

wale at ame bi iwahnaihmiony, me ka hamen ogö-ranyâ e hon ta je ûnyi hia thithö adre me ha me Khong, me hna khudrung kâu; waleling me me laba hnyi uma umen Khong, me ka omanenâ e bi, ka habe, e Khong.

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

Josua 22:22

Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)

Hna Omanenâ 10:7

ke hnyi ta je bonginy ifucin angela a seveniny, e ka he bi ka tûâ trutru, me ame he ka umo ju ûnyi ae iyong anyin Khong, hoton ûthumetu ae so e ame haimemenâ ka lathnyabainy a ta je perofeta.

Hna Omanenâ 12:14

Ke adre me ham ka momo li labenyin aeto ae gan, me me gâ ûnyi hnyi hnyimakan on ka hnyi hnyebuba a hnen, ke adre hat eling, hnyi ûen a khaca, me je ûen, me haf ûen.

Hna Omanenâ 13:1

KE e ame tot hon öny hnyi köiö. Ke inya oge me wâ meno ame o ûnyi hnyi köiö ae hu je faoiny a ten, ke je ban a seven, ke e hnyi hon je fao je korona a ten, ke je ien bi gan ka Khong, hon je ban.

Hna Omanenâ 17:17

Anyin a Khong ame ip eû hnyi je hnyekudrin he ka ohwâdâ weny, me he ka tha hnyok, me ham dökhudrin dokhu ka meno, ke ne o but ame hwâdâ je hofuc hwan Khong.

Hna Omanenâ 17:3

Ke e ame hum nya hnyi Hanu ka hnyi hnyebuba: me oge me wâ momo ame laba hon meno ae dra, e unöngöt ge je ien bi gan, ke hu je ban a seven, ke je fao a ten.