Daniela 11:35 - Iaai Bible 1901 (New Caledonia)

³⁵ Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 11:35 ပူးပေါင်းရင်းမြစ်များ

II. Man Ûlabainy Je Than. 32:31

Ke so bi haba hnyi hwakecin ge je ûthumetu anyin je than Babulona, waleji adre me ûkhûnöng kâu he ka hnö e ge ûnyi hnân lâiâ adre ânyâ hnyi hnyei, me haba Khong ame hna e, he ka cubec e, me me wâ bongon hia hnyekon.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Daniela 11:27

Ke haba li than eling, me ödru me he ka hnyok ûokonguny, ke ödru me he ka ûhnenamö thoi hnyi laulau a khaca: kʼ ame ca he ka hwâdâ: anyin adre me he ka bi obiny hnyi ûen adre thu.

Daniela 11:29

E ame he ka hmetu hnyi ûen adre me thu, me he ka hnyi hwaiöu; ke ca helâ me he a bân me biliny.

Daniela 11:33

Ke haba tavat ae metâ unyin tavat, adre me he ka nâ tavat ae se hia: ke so bi adre me he ka ta ge hele vat, me meic, me hwenbâ me soh, hnyi je bong ae se hia.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 12:3

Ke haba tavat ae metâ, me adre me he ka umumelam helâ me melaminy drany; ke haba tavat adre me wia tavat ae se hia hnyi hwakecin ae wisa, me ödra helâ me ta je okhû nyiele balua.

Daniela 12:4

Ke haba u Daniela lö, ikhâlâ ju je hofuc, me ohmâ ju haten tusi, ke ne o but hnyi ûen obiny: kʼ ame he tavat ae se ka wadring ehele, me ame he metâ ka gan tot.

Daniela 8:10

Kʼ ame gan tot ke ne o but hnyi je utbavat hnyi drany; kʼ ame hagutâ hnyikânâi ke je utbavat, ke je okhû, me uto ju.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.

Ioane 20:25

Ke ame ha kân laten, ka habe, Ohmun e hia but wâ Than Ke e ame ha ködrin, ka habe, Oge ne ca mē wʼâ thö deny fao hnyi li hnyamen, me inâ banyök ka hnyi hwaden li fao, me inâ hnyamok ka hnyi vhaken, me oge me ca he bi nya ka labageju.

Ta je huliwa 13:13

Ke haba Paulo me anyin bunyen ödrin e tabâ hu ûhedrin Pafo, me ödrin e khop dö Perega hnyi Pamafulia: ke haba Ioane ame hnʼ ödru but me hmetu Jerusalema ai.

Deuteronomi 8:16

at ame hâm ge mana hnyi hnyebuba ûnyi a ca wâ hnen lakâmâm; me me oûhnyûkongi u, me cubic u, he ka ohnahici u hnyi obiny:

Iakobo 1:2

Hnyat me lakeiny mönya lö, e so öbun e he ka ûnykûme a hnân senyin gan hmâ e ka o köbun ta je ûcûbic ae ve bongon;

Hna Omanenâ 14:15

Ke haba ke angela ame didrut ûnyi hnyi hnyin uma kap, ame ha ge hwan ae gan ka at ame laba hon ûlâ, ka habe, Inâ but ânyâm hele hnân subö hwit, me subâ but; anyin a o but ûen he ka subâ; anyin ae ti hmahmat ut hmeledrany.

Hna Omanenâ 17:17

Anyin a Khong ame ip eû hnyi je hnyekudrin he ka ohwâdâ weny, me he ka tha hnyok, me ham dökhudrin dokhu ka meno, ke ne o but ame hwâdâ je hofuc hwan Khong.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.