Daniela 11:32 - Iaai Bible 1901 (New Caledonia)

³² Ke haba tavat ae kong hwakecidra ka hnyi ûhihinyköu, e ame he ka omonu ödra ge hofuc ûtakû: ke haba tavat ae khanʼ ödra Khongudrin adre me he ka hwege me ûjöng.

Daniela 11:32 ပူးပေါင်းရင်းမြစ်များ

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

Nehemia 4:14

Me oge me wâ, me tot, me ha ka je than me hnyat musi, me je kolon tavat, ka habe, Ca he öbun ka outʼ odrin: ûnykûme ju ka Than, at ae gan me hnân outen, ke he thʼ öbun ka vat hobi kâu je liamekeiny möbun, me lakubun obaga me wahlu, me laöiöbun me umöbun je uma.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Ta je Vejec 19:5

Ame ca he ka ba hwaban ka at ame sit hofuc thoi: Kʼ ame ca he bi ka so at ame ha thoi.

Ta je Vejec 26:28

Haba bohmen ae thoi, me ame hûkotiâ tavat e ame ovecâ; Ke haba hnyem ae ûtakû, me ame okûâ ûokonguny.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Daniela 11:21

Ke ame he ka tot hwaban e, at adre me hûkotiâ, waleji adre me tiga ca ham kâu hmanenanginy dokhu: ke e ame he ka o hnyi ûen ûsoköu, me hu dokhu ge hofuc ûtakû.

Daniela 11:34

Ke ödra ka ta but, me adre me he ka na omi hadruʼ ödra: ke ame he tavat ae se hia ka bi hiödra ge hofuc ûtakû.

Zakaria 10:12

Ke oge me he ka ha hwegiödra ûnyi ga Iehova; ke adre me he ka ngenu ûnyi ge ien e haingö Iehova.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 6:11

Me adre me ve ham kodra ke ûkhaû ae hau; ke adre me ha kodra, ka habe, adre me he ka halubahingen ûen ae okhulit, ke ne o but ame bekhöt dö je aten huliwa a hanödra, me ta je liamekeiny mʼ ödra, wale a tavat adre me he ka hlingâ helâ me ödra.