Daniela 11:29 - Iaai Bible 1901 (New Caledonia)

²⁹ E ame he ka hmetu hnyi ûen adre me thu, me he ka hnyi hwaiöu; ke ca helâ me he a bân me biliny.

Daniela 11:29 ပူးပေါင်းရင်းမြစ်များ

Isaia 14:31

Homagöule lö, kuku tenge thö; taun lö, tenge thö: Filisiti hia lö, u je aû hia but; anyin ame o hai ûnyi hnyi hwadro, ke ba at ame he ka tot baû e ka o thö bonginy bong adre thu.

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 11:23

Ke hwaban do hna ûhihinyköu më, me ame ho ka othoiâ: anyin a e ame he ka he me hwege hnyi hnyei ae ûhnyûkong.

Daniela 11:25

Ke e ame he ka obwebwelâ maniny man ke tang hwegein hnyekon, ke je utbavat ae gan, ûcon than hnyi hwaiöu; kʼ ame he than hnyi hwaiöu ka vat, a tha e ke utbavat ae gan hmâ ke hwege: ke e ame ca he bi ka tot, anyin adre me he bi ka ânyâ bihihwakecin kâu.

Daniela 11:28

Me e ame he ka hmetu ka hnyi iny hnyei me je omjeû ae gan hmâ; ke ame he hnyekon ka höciâ ûhihinyköu ae kap; ke e ame he ka ânyâ weny, me hmetu ka hnyi iny hnyei.

Daniela 11:30

Anyin ame he je huiny Kitim ka he ûcon; anyin a wale, e ame he ka hmak, me hmetu me hmonyin ka ûhihinyköu ae kap, me ânyâ weny bi: e ame he ka hmetu me tha ûhnenamö me tavat adre rae degec ûhihinyköu ae kap.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;

Galatia 4:2

ke ame muso e hnen tavat ûne, me tavat tue, ke ne o but hnyi ûen a thu hnen kamen.