Daniela 11:27 - Iaai Bible 1901 (New Caledonia)

²⁷ Ke haba li than eling, me ödru me he ka hnyok ûokonguny, ke ödru me he ka ûhnenamö thoi hnyi laulau a khaca: kʼ ame ca he ka hwâdâ: anyin adre me he ka bi obiny hnyi ûen adre thu.

Daniela 11:27 ပူးပေါင်းရင်းမြစ်များ

II. Samuela 13:26

Haba Abasoloma ame ha, ka habe, Ame ne ba, ö e tha he möhmun Aminona liamekeiny mönya. Haba than ame ha kâu, ka habe, Hnân eû e ame he ka tha he möu?

Salamo 12:2

Adre me ve ha thoi ka at ame laba hakekenyi ödra: Adre me fuc ge je esongodidra ae ûtakû, me hnyok lo.

Salamo 52:1

AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

Salamo 58:2

Eke, Öbun e ânyâ ûnyi ae hwali eû hnyi hnyok; Öbun e tuluto hnyi hnyei ûokongûny anyin je hnyamöbun.

Salamo 62:9

Ta je thatûnyi bi houmonu, ke thoi bi tavat ae ûnyi hnathu: Ödra hâhâ hnyi tulut; Ödra tha hâhâ hon thatûnyi.

Salamo 64:6

Adre me elâm ta je ûnyi ae kong, haingödra, ka habe, Ate hia but elâm wia: Ke ve dit je hna ûnykûme, me je hnyekudra.

Ta je Vejec 12:20

E hu iyawo eû hnyi hnyekon tavat adre me ûnykûme hulo; Ke ame senyin tavat adre me ûhnenamö me me hnahic.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Ta je Vejec 26:23

Haba esongot ae kaukahwa, ke hnyok ae kong, Me ûcû me kaia kânâ adre me tube ge dron sileva.

Ezekiela 17:9

Ha thö, ka habe, Walang hna ha hnen Than Iehova, ka habe, Hawa, e ame he ka hnahic? hawa e ame ca he ka oc iwân, me subâ degecâ je wan me me meleca; me me meleca hia je lan ae hât; ke ca hnen bi man ae gan me tavat ae se hia, mʼ adre me he ka oc e me iwân?

Daniela 10:1

HNYI huna a kuni Koreso than Peresi, me adre me omanenâ ke ûnyi kö Daniela, adre hwenyi ien Beletisaza; ke e hnathu ûnyi e, wale vat ae gan, me e ame wâhmakhmetoâ ûnyi e, kʼ ame wâ ûnykûme hna omanenâ.

Daniela 11:28

Me e ame he ka hmetu ka hnyi iny hnyei me je omjeû ae gan hmâ; ke ame he hnyekon ka höciâ ûhihinyköu ae kap; ke e ame he ka ânyâ weny, me hmetu ka hnyi iny hnyei.

Daniela 11:29

E ame he ka hmetu hnyi ûen adre me thu, me he ka hnyi hwaiöu; ke ca helâ me he a bân me biliny.

Daniela 11:35

Ke ame he keihen tavat ae metâ ka ta, madre me cubic ödra, me ânyâwia, me ohawâ, ke ne o but ûen obiny: anyin ame he ka e hnyi ûen adre thu.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 8:17

Me e ame hakekeny ka hnyi dok oge me tot hnyin; ke e ame o but, me oge me ot, me ta hnyikânâi; ke e ame ha könya, ka habe, Nokon at lö, wâhmakhmeto ju; anyin ame he ka hwâdâ hna omanenâ hnyi ûen hnyi obiny.

Daniela 8:19

Ke haingen, ka habe, Wâ bi, oge me he ka thumetu u ge ûnyi ama he ka o hnyi ûen hmonyin hnyi obiny: anyin ame he ka hwâdâ hnyi ûen adre thu hnyi obiny.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

I. Thesalonika 5:1

HNYAT me lakeiny lö, e ca ûnyi hnathu he ka sihnalimen köbun bongon ta je ûen me ta je huna.