Daniela 11:15 - Iaai Bible 1901 (New Caledonia)

¹⁵ Me ame he ka o than hnyi hwadro, me okhibö goranyai kânâ, me hûgûnâ taun adre up haginy ae so: ke ame ca he ka ton je utbavat hnyi hwaiöu, me tavat e ame ûca, ke ame ke ka ba tang hwege hnân he ka ton.

Daniela 11:15 ပူးပေါင်းရင်းမြစ်များ

Jeremia 33:4

Anyin a walang hna ha hnö Iehova, Khongu Isaraela ge je umainy taun ang, me je uma umen je than Juda, wale adre kia hnân singidra ge je dok adre hlu goranyai me je hele vat, ame ha, ka habe,

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Jeremia 52:4

Ke haba hnyi huna a naininy anyin musi, hnyi tehi a teniny, hnyi bong a teniny tehi, haba Nebukaneza than Babulona ame o but hnyi Jerusalema, e me anyin utbavat hia, me hunuma cicö e; ke adre me otilâ je taben vat igigilo.

Jeremia 6:6

Anyin a hia but Iehova tuhan sabaoth ha, ka habe, Sö but ta je ûö, ke hlu thö goranyai kânâ cicö Jerusalema: wale taun adre me he ka bi hwaban; ae ti hu ûöveci eû hnyin e.

Ezekiela 17:17

Ke ame ca he bi Farao me anyin utbavat ae gan hmâ, me anyin ûkhacaköu ae gan ka tha e mē hnyi vat, hnyi ûen adre okhibö kânâ göranyai, me up uma hnân tue, mʼ adre me subâ degecâ tavat ae se hia.

Ezekiela 4:2

ke u me he ka thelöng e ge vat, me op cicö e je taben vat, me hlu kânâ cicö e; me ânyâ minya je hunuma cicö e, me ip igigilo cicö e je ûnyi hnân thö.

Daniela 11:14

Ke hnyi ûen eling ame he ka tot ka than hnyi hwaiöu tavat ae se hia: ke ame he ka bi gan tavat ûokonguny hnyi em hnyei mʼ adre me ohmâ hna omanenâ; ke adre me he ka ta.

Daniela 11:6

Ke e ka um dö je huna me ödru me he ka ûkhacaköu; kʼ ame he hlu nokon than hnyi hwaiö ka senâ than hnyi hwadro he ka ânyâ ûhihiny-köu: ke haba hwegien benyin hlu me ame ca he ka tethmâ; kʼ ame ca he minya baga ka tot, ke benyin; ke adre me he ka hna but hlu, me tavat adre me hom e, me at ame hnokoâ e, me at ame ha hwegien hnyi ûen eling.

Daniela 8:7

Ke oge me wâ a gʼ ame hakekeny ka mamoe baga, kʼ ame hmonyin kâu, me kot mamoe baga, me thu li faoiny; ke ba maniny mamoe baga he ka tot hnyi hnyimakan: me e ame hagutâ e hnyikânâi, me uto e; ke ba at ae khana he ka hûgûnâ mamoe baga gan.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.