At Khet 9:7 - Iaai Bible 1901 (New Caledonia)

⁷ He thö u, an ju âm jeû, me senyin me ijem ânyâm waina me hnyok ame hobâ; anyin a hia but Khong walang ang kap ânyâm ta je huliwa.

At Khet 9:7 ပူးပေါင်းရင်းမြစ်များ

Genese 12:19

Ieû can u je ha, ka habe, Hânâm ang? Waleling me oge me hia but hom me öiök: ke walang ang wâ ju âiâm, hom dö, me he thö.

I. Je Than 8:66

Ke haba hnyi bong a eitiny e ame kunâ tavat, me adre me hahnahicâ than me ve he ka hnyi umödra je uma mano me senyin me hnyok ame hobâ, can ta je so hia ame ânyâ Iehova kö Davita athnyabainy, me Isaraela a lakeiny.

At Khet 10:19

Adre ânyâ bijeû hnân hnyi hluma, ke waina ame osenyinâ möt: ke ûcû ta je ûnyi hia ka mone.

At Khet 11:8

Eke, ame ne möt at, me se hia ta je hunainy, me so e ame senyinâ hia; ke so bi e so e ame ûnykûme je bong ae menekholom, anyin ame he ka se hia. Thatûnyi ta je ûnyi hia ame o.

At Khet 5:18

Wâ bi, e so wânök ke mec bi a gʼ ame he at ka han me ic, me senyinâ so hnyi anyin ta je huliwa hia, waleji e ame ânyâ hmelen seûno hnyi je bong bongon anyin möt, wale a ham kâu Khong: anyin a wale jekhon.

At Khet 7:14

Senyin dö hnyi bong sot, ke ûnykûme ju hnyi bonginy vec: Khong ame ânyâ khaca me me ûcon khaca, me me ca he bi at ka wâ ta je ûnyi ame he ka o hwaban e.

At Khet 8:15

Me oge me haisoâ hna hobâ, anyin ae ba so ka at hmelen seûno, ke so bi adre me he ka han me ic me senyin: anyin a wale ûnyi ame he ka tha e me at hnyi anyin huliwa hnyi bongon ta je bong hia wale a ham kâu Khong hmelen seûnö.

Numera 6:20

ke ame he at bihut ka hajijingâ je ûnyi e hnân hudiny hajijing hnyi hnyimakö Iehova; wale ûnyi ae kap hobi kâu at bihut, tha e me ûlainy hajijing, me benyin hnân kap goranyai: ke hwaban e, e khana at Nazeri he ka ic waina.

Mareko 7:29

Me e ame ha ka momo, ka habe, Can hofuc e, he thö, a hia but demoni ûnyi hnyi hnyekon nokom hlu.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Ioane 4:50

Haba Iesu ame ha kâu, ka habe, He thö, a möt ut nokom. Haba at, me e ame labagejon hofuc a ha Iesu kâu, me e ame he.

Ta je huliwa 10:35

ke e ame kap at ame outen e hnyi ta je hnyei hia, wale at ame ânyâ hwakecin ae wisa.

Deuteronomi 12:12

ke öbun e he ka senyin hnyi hnyimakö Iehova Khongubun, öbun, me lakubun obaga, me lakubun wahlu, me lathnyabaibun obaga me omomo, me at Levi hnyi anyibun je lap, anyin ae ba hwajekhon, ke ba iny bi unyibun.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Rutha 3:7

Ke a hia but Boaza han me ic, ke ame senyin hnyekon, me e ame he ka mokut hnyi baten hna khon bali: me momo ame he hmecik, me hai kubö huyi li can, me mokut ju.