At Khet 9:3 - Iaai Bible 1901 (New Caledonia)

³ Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

At Khet 9:3 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Jobu 15:16

Ke e ti ikiki me bokong at, Wale ame ijem hulö helâ me köiö!

Jobu 21:26

Ödru me tha mokut eû hnyi kânâ, Kʼ ödru tha iyong ut ge je wahnyöng.

Jobu 9:22

E khaca thibi bongon; anyin a wale hnok hna ha, ka habe, E ame ohia at ae wisa, me at ae kong;

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Salamo 64:7

Ke Khong ame he ka fanʼ ödra; Adre me he ka ie aat dö ge fana.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

At Khet 1:17

Ke oge me kong hnyekunâ he ka metâ, me he ka khana hwen monu me hwakecin ae ûnyi baû: oge me wâ a gʼ ame han minya ang.

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

At Khet 7:2

E so he ka he ka hnyi uma ödra ka tenge hnyin, hon he ka he ka hnyi uma ödra ka bijeû hnyin: anyin a wale obiny tavat hia; ke ame he at ae möt ka ûnykûme e eû hnyi hnyekon.

At Khet 7:25

Oge me hwihwiö, me ûnykûme eû hnyi hnyekuk he ka khana, me elâm, me wâ metâ, me bongon ta je ûnyi, me khanö nya hnyikongon monu, me hwen monuiny monu:

At Khet 8:11

Anyin adre me ca ie bi hwaban huliwa ae kong, anyin a wale e hwege hnyekon tavat he ka mâdrâ hulo.

At Khet 9:11

Oge me hmetu me wâ hmelen seûno, a gʼ ame ca bân ka o at ae hâhâ can, ke haba khaca ame ca ton bi at ae hwege, ke haba khaca e ca tren jeû at ae metâ, ke haba khaca ame ca o je omjeû ka at ame wâhmakhmeto, ke betenge baû, ka at ame huliwa tremang; ke haba ûen, me ûnyi ame o monu, ame o kodra hia.

At Khet 9:2

E tha ûcû thibi ta je ûnyi hia ame o ka tavat hia: khaca thibi ûnyi ame o ka at ae wisa me at ae kong; ka at ae so, me at ae bo so, me at ae bo kong; me ka at ame bi hut, me ka at ame ca bi hut: e ûcû at ae so me at ae kong; e ûcû at ame ûhihinyköu me at ame ot ûhihinyköu.

At Khet 9:4

Anyin a haba at ame tiga hanen tavat ae möt me hu geju bi unyin: anyin ae so kuli ae möt hon liona ae mok.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Luka 15:17

Ke ame metu hmetu thö hnyekon, me haingen, ka habe, Ve ta hlu anyi cica ae ti hu jeû me kolon bi gadrin, ke haba inya oge me he but ang ka mok ge mekihnânem!

Luka 6:11

Ke adre me hmönyidra gan hmâ; me ûhnenamököuâ ûnyi adre me he ka ânyâ kö Iesu.

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.

Ta je huliwa 26:11

Ke iny osehia oveci ödra hnyi ta je sunago, me ûjongi ödra he ka fuc bi gan; ke e gan hmâ anyik hmonyin ködra, me oge me okongu ödra ke ne o but ka hnyi ke je taun kanyua bi.

Ta je huliwa 26:24

Ke e ame ka tiga hâiâ e bi helâe, haba Feso ame ha hwegiâ, ka habe, Paulo, u je monu but, hnen ûne ae gan hna omonu u.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

II. Peteru 2:16

ke adre me oû e can anyin monu: ke ame fuc asina ae hum ge ifucin at, ine thawâ hwen monu anyin perofeta.