At Khet 9:12 - Iaai Bible 1901 (New Caledonia)

¹² Anyin a haba at, e ca khana bi ûen: helâ me ta je wâ adre me hnok hnyi ert, me ta je meno adre me hnok hnyi hnewe, ke ame hnok dö e ûcû mödra tavat hnyi ûen ae kong, e ka ie o ködra.

At Khet 9:12 ပူးပေါင်းရင်းမြစ်များ

Salamo 11:6

E ame he ka ota helâ me we ta je hnewe hon at ae kong; Haba meic, me teio, me ang ame hiâ, me wale kaia a jekhöûdra.

Ta je Vejec 24:22

Anyin ame he ka ie o kodra anyidra vec; Ke ie at ae khana ge ûhnaûhangöiny je hunaidra.

Ta je Vejec 29:6

E hu hnewe hnyi hna hanyâûâ hnen at ae kong: Kʼ ame khumöng me senyin at ae wisa.

Ta je Vejec 6:15

Anyin a wale ame he ka ie o ûokonguny kâu; E ame he ka ie oamamâ but, ke ba eny.

At Khet 3:19

Anyin a haba ûnyi ame o ka at, me ame o minya ka meno; kʼ ame o ködru ûnyi a khaca; haba mok anyin ke at, me helâ me mok anyin ke at; eke, e tha ûcû homenödru; ke ca beönua bi at hon meno: anyin a thatûnyi hia.

At Khet 8:11

Anyin adre me ca ie bi hwaban huliwa ae kong, anyin a wale e hwege hnyekon tavat he ka mâdrâ hulo.

At Khet 8:8

E ba at ame tren musi hon hanu, he ka behânâ hanu; ke ba at ame muso bong mok; ke ba at adre me hna ûnyi hnyi vat eling: kʼ ame ca he hwakecin ae kong ka omelo tavat adre me mâdrâ e.

At Khet 9:13

Oge hia but wâ minya metâ helâng hnyi hmelen seûno, ke haingök, E gan hmâ:

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Isaia 30:13

anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

Ezekiela 32:3

Walang hna ha hnen Than Iehova, ka habe, Oge me he ka ulolo anyik ert hom, a tha u me tavat ae se; kʼ adre me he ka lili u hnyi ûtök ert.

Hosea 7:12

Ödra ka he me oge me he ka thong ûtök ert hudrin; oge me he ka hagutʼ ödra helâ me je meno ame gâ ethö: oge me he ka kuc ödra helâ me hna löng hnyi anyidra ûkhacaköu.

Hosea 9:8

Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 12:39

Ke wâûnykûme ju öbun ang, a ne khana tuhan uma ûen ame he ka o hnyin at venön, ame ne hia but hmâkâ, me e ame ca hna bi umen uma mʼ adre me he ka kia e.

II. Korinito 6:2

(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

II. Timoteo 2:26

mʼ adre me he ka möt ûnyi hnyi hnewe anyin diabolo, me omelö ge at huliwa ka Than ka hnyi weny Khong.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.

II. Peteru 2:12

Ke haba tavat ang, me helâ me ta je meno ae ba hnyekudra, kʼ adre hnöku ödra helâ me omeno hnân noc me hlingâ, adre me haikongoâ ta je ûnyi ae ca khanʼ ödra, ke adre me he ka hamödra hia hnyi hnödra hna ohia,