At Khet 9:11 - Iaai Bible 1901 (New Caledonia)

¹¹ Oge me hmetu me wâ hmelen seûno, a gʼ ame ca bân ka o at ae hâhâ can, ke haba khaca ame ca ton bi at ae hwege, ke haba khaca e ca tren jeû at ae metâ, ke haba khaca ame ca o je omjeû ka at ame wâhmakhmeto, ke betenge baû, ka at ame huliwa tremang; ke haba ûen, me ûnyi ame o monu, ame o kodra hia.

At Khet 9:11 ပူးပေါင်းရင်းမြစ်များ

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

II. Man Ûlabainy Je Than. 20:15

ke haingen, ka habe, Löng ju öbun at Juda hia, me öbun aten Jerusalema, me u Jehosafata than: walang hna ha köbun hnö, Iehova, ka habe, Ca ot bi, me ca öbubuny can tavat ang ae se hia hmonyin; anyin a ca anyibun vat ang, ke vat bi anyin Khong.

Jobu 34:29

E ka omenâ, me ie ame he ka haikongoâ? Ke e ka ikhâlâ hnyimakan, me ie ame he ka wâ e? Adre me ne ânyâ ka hnyei, kʼ adre me ne ânyâ ka at, me, khaca thibi:

Salamo 76:5

Adre hia but söh tavat hwege adre me mokut balua but; Ke adre me ca wâ hmetu ta je hnya-mödra hnen tavat hwege hia.

Ta je Vejec 1:5

Me me long hnen at ae metâ, me bi hanen anyin metâ; Me me he at wâhmakhmeto ka hu metâ hnân ûhnenamö:

At Khet 2:12

Ke oge me hwio he ka wâ metâ, me hwen monu, me hwakecin ae unyi baû: anyin ae hö at ame he ka o hwaban than? me wale thibi e adre hia but ânyâ ehac.

At Khet 3:14

E khanö nya a haba hna ânyâ hnen Khong ame he ka e nyiele balua: adre me ca he ka bi hanen ka hnyin, ke adre me ca he ka ohia ûnyi hnyin: ke Khong ame ânyâ e me me ot at hnyi hnyimakan.

At Khet 3:17

Haingök hnyi hnyekuk, ka habe, Hamen Khong he ka owisa ka at ae wisa me at ae kong: anyin ae hu ûen ta je ûnyi hia me ta je huliwa hia.

At Khet 4:1

KE oge me hmetu me wâ je hna seda hia hmelen seûno: ke wâ bi je deköien tavat adre me oveci ödra, ke ba at ame hadruʼ ödra; ke tren hwege tavat adre me oveci ödra, ke ba at ame hadruʼ ödrin bi.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 7:13

Ûnykûme ju huliwa anyin Khong: anyin a ie at ae khana he ka owisa hnen hna ohwalö?

At Khet 9:2

E tha ûcû thibi ta je ûnyi hia ame o ka tavat hia: khaca thibi ûnyi ame o ka at ae wisa me at ae kong; ka at ae so, me at ae bo so, me at ae bo kong; me ka at ame bi hut, me ka at ame ca bi hut: e ûcû at ae so me at ae kong; e ûcû at ame ûhihinyköu me at ame ot ûhihinyköu.

At Khet 9:3

Walang ûnyi ae kong hnyi ta je ûnyi adre ânyâ hmelen seûno, a khaca thibi ûnyi ame o ka tavat hia: eke, e ûnöngöt minya thö hnyekon tavat ge hulo, ke e bi hwen monu hnyi ta je hnyekudra, kʼ ödra tiga möt bi, ke hwaban e adre me he ka tavat adre mokcu.

Jeremia 46:6

E so ame ca kec at ae hâhâ can, e so ame ca he ka kec mot at ae hwege; adre me haû me ta hnyi hwadro hnyi baten wagewe Euferate.

Jeremia 48:14

Ieû gabun öbun e ha, ka habe, Ohmun tavat hwege, me tavat khenen vat?

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Daniela 4:35

kʼ ame ûnykûme a helâ me thatûnyi tavat adre me labâ hia hmeledrany: ke e ame ânyâ hoton weny unyin je köiöiny drany, ke tavat adre me labâ hmeledrany; ke ba at ame he ka thawâ hnyamen me ba kâu ka habe, Ieû u me ânyâ?

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Deuteronomi 8:17

ke u je ne he ka ha eû hnyi hnyekom, ka habe, A o könya omjeû eang ûnyi ge manik man me tang hwegien hnyamok.

Deuteronomi 8:18

Ke so u ma ûnykûme ko Iehova Khongom, anyin a e at ame ham köu tang hwege he ka hu tang omjeû; me me ohmâ anyin ûhihinyköu waleji e ame khemanyin ka je lakâmâm, helâ me hnyi bong ang.

I. Samuela 17:50

Me e hwege Davita hon at Filisiti ge koloû me veto, me kot at Filisiti me hlingâ e; ke ba hele vat hnyi hnyamö Davita.

I. Samuela 6:9

Ke wâhmakhmeto ju ame ne he ka gethen hnyi hing hnyigöulen, Bethe-semes ai, awe, e ame hia but ânyâ kötin ta je hna okongo eang ae gan: ke ame ne ca helâe, awe, ame he ka khanʼ ota a ga ca kuc otin ge hnyamen; ke ame ka o baû bi kötin.