At Khet 9:10 - Iaai Bible 1901 (New Caledonia)

¹⁰ Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

At Khet 9:10 ပူးပေါင်းရင်းမြစ်များ

Genese 37:35

Ke ame todrö je lakon hia je baga me hlu he ka otubwelâ e; ke e höcö tubwet, ke haingen, ka habe, Oge me he ka tenge can nökuk ke ne o but ka hnyi erkemok. Wale hna tengiâ e hnen kamen.

I. Man Ûlabainy Je Than. 22:19

Walang ang ham but je hnyekubun he ka elöm Iehova Khongubun; anyin a wale todrö, me op dok ae kap anyi Iehova Khong, mʼ adre me hom tangen ûhihinyköu anyi Iehova, me je kaia ae kap anyin Khong, ka hnyi uma adre me he ka otilâ hobi kâu iö Iehova.

I. Man Ûlabainy Je Than. 28:20

Ke Davita ame ha kö Solomona a nokon, ka habe, Hwege thö, me hnyok baga but, me ânyâ thö; ca ot bi, ke ca öbubuny bi: anyin ame he Iehova Khong, a Khonguk, ka tha e möu; e ame ca he ka hia unyâm, me hna degeci u, ke ne o but adre umo ta je ûnyi hia hnân huliwainy uma umö Iehova.

Nehemia 2:12

Ke ohmun e todrö hnyi hnyinghet, tha inya me keihen; ke oge me ca thumeto ke at ge ûnyâ a ip Khong eû hnyekuk he ka ânyâ hobi kâu Jerusalema: ke ba meno unyik, ke so bi meno thibi oge me tabâ.

Nehemia 4:2

Me e ame fuc hnyi hnyimakan je liamekeiny mē, me utbavat anyin at Samaria, me ha, ka habe, Ieû, ame ânyâ at Juda ang a ödrin mat? hawa ödrin e he ka ohwegi ödrin bi? ödrin e he ka bi hut? ödrin e he ka umo hnyi bong a khaca? hawa ödrin e he ka oâ je veto ûnyi hnyi je hna khöû ve ta ûnyi waleji adre thong?

Nehemia 4:6

Me ohmun e op hak; ke adre ûhûjâköuâ hna up haginy hia ke ne o but hnyi hafiny ibeûen görany: anyin a tavat ödrin e huliwa ûnyi eû hnyi hnyok.

Jobu 10:21

Kʼ inye tiga ca he ka hnyi dok adre me ca hmetu ûnyi hnyin, Wale hnyei ae menekholom me hmenon mok;

Jobu 10:22

A hnyei ae ti menekholom hmonyin, helâ me menekholom cici; A hnyei iny hmenon mok, ae ba hwe-nöniny, Kʼ ame helâ me menekholom bi lany.

Jobu 21:13

Ödrin e laba sot hnyi bongudrin je bong, Me utut ka hnyi erkemok helâ me thuthubademak.

Salamo 6:5

Anyin a haba ödra ka mokcu, me adre me ca he bi ka ûnykûmi u: Ie at ame he ka ole köu eû hnyi erkemok?

Ta je Vejec 3:28

Câ ha bi ka waem, ka habe, Mē he thö, ke u hmetu thö, Ke nyi oge me he ka ham; Ke ka e bi ûnyi unyâm.

At Khet 11:3

Ame ne unöngöt je ûlâ ge we, me ame ta we ka hnyi hon kânâ: ke ame ne ta ûö, ame ne ka hnyi hwaiöu, ame ne ka hnyi hwadro, haba hna ta hnen ûö, me ame he ka mokut hnyi dok eling.

At Khet 11:6

Hnyi hnyomakatu tâ ju hatungâm je hatong, ke hnyi sahac ca thawâ li hnyamâm: anyin ae ca khanö u ûnyi ame he ka kû, ame ne eang ame ne e, ke ame ne he ka tha so hia.

Isaia 38:10

Oge me ha, ka habe, Hnyi jebigöiny bonguk je bong oge me he ka he ka hnyi homagouleny erkemok: Ke adre hûgûnö nya kolon je hunaik.

Jeremia 29:13

Ke öbun e he ka elom nya me ō nya, j öbun ka he ka elom nya hnen je hnyekubun ae bekhot.

Numera 13:30

Me haba Kaleba ame thawâ tavat hnyi hnyimakö Mose, me ha, ka habe, E so ötin e ie he me hûgûnâ; anyin ae khanʼ ötin he ka hwege hon.

Mataio 20:7

Haingödra kâu, ka habe, Anyin ae ba at ame hawʼ ohmun. Ke e ame ha kodra, ka habe, He thʼ öbun minya ka hnyi hna belökâ vine.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Ioane 9:4

E ûcû köta he ka mâdrâ ta je huliwa anyin at a kunö nya e me tiga lany: ame he jem lit ke ca khana hmetu ke at he ka ânyâ ke huliwa.

Roma 12:11

hnyi huliwa wia ke ca sënyin bi; hwege ju hnyi oûnykûmibun; athnyabainy dö Than:

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

I. Korinito 16:10

A ne o köbun Timoteo, wâ eâu öbun me me ca he ka laba unyibun me ot; anyin a e ame ânyâ huliwa anyin Than helâ me inya:

I. Korinito 9:24

E ca khanʼ öbun a haba tavat adre me wadring hnyi ûölogot, me adre me tha wadring hia, ke khaca thibi at ame he ka hok hwaban? E Wadring thʼ öbun helâe, mʼ öbun e he ka hu.

I. Korinito 9:26

Ke inya oge me wadring helâe, ca hnyi loloâ bi; inya oge me vat helâe, ca helâ me at ame kot ang:

Efeso 5:16

ke oûnyihnathoâ ta je ûen, anyin ae kong ta je bong.

Kolose 3:23

ke haba ta je ûnyi öbun e ânyâ, mâdrâ hnyokâ ju helâ me ka Than, ke ca ka at bi:

I. Samuela 10:7

Ke e ka āt do köu je haten eling, u me he ka ânyâ hnâm hna wâhmakhmeto; anyin a e unyâm Khong.