At Khet 8:14 - Iaai Bible 1901 (New Caledonia)

¹⁴ E hu thatûnyi adre me ânyâ eang hmeledrany; a gʼ ame aat ka tavat ae wisa helâ me hna ânyâ ka tavat ae kong: ke haba khaca, ame aat ka tavat ae kong helâ me hna ânyâ ka tavat ae wisa: haingök, Wale ke thatûnyi.

At Khet 8:14 ပူးပေါင်းရင်းမြစ်များ

Jobu 1:22

A ca ânyâ hulo Jobu hnyi ta je ûnyi hia eling, ke e ame ca haunonoâ Khong.

Jobu 21:7

Anyin a ieû ae möt bi tavat ae kong, Me hingat ut, eke, ke gan tot manidrin man?

Jobu 27:12

Wâ bi, öbun hia öbun e hia but wâ e; Ke ieû gabun a öbun e tha hop bi?

Salamo 73:3

Anyin oge me ciâ ge tavat bi gan, Hnyi ûen oge me wâ hnahic anyin tavat ae kong.

At Khet 10:5

E hu monu oge hia but wâ hmelen seûno, helâke monu ame o ûnyi ge at musi:

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

At Khet 4:4

Me oge me wâ ta je huliwa hia, me ta je unyi hia ae so adre me huliwan, a gʼ ame behnyokâ at ge ke at bi can e. Wale ke thatûnyi, ke adre me han ang.

At Khet 4:8

E hu at a khaca, a hake e bi; eke, e ba nokon me liamekeiny; ke so bi e ba obiny anyin ta je huliwa hia, ke ca sekon li emakan ge omjeû. Haingen, ka habe, Inya oge me huliwa hobi kö ia, me ka behanö nya bi ge ta je ûnyi ae so? Wale ke thatûnyi, me huliwa ae kong.

At Khet 7:15

Wale hia wânök hnyi je bong bongon anyik hnyok baû: e hu at ae wisa ame mokcu hnyi hwakecin ae wisa, ke hu bi at ae kong ame möt beû hmâ hnyi hwakecin ae kong.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Malaki 3:15

Ke walang ang ate me he ka ha me hnahic ut at ame bi gan; eke, adre me op goranyai tavat adre me ânyâ hulö; eke, adre me cubic Iehova, ke ödra ka möt bi.