At Khet 8:13 - Iaai Bible 1901 (New Caledonia)

¹³ ke ame ca he bi ka so at ae keng, kʼ adre me ca he ka osehia bongon je bong, ke helâ me hmenu; anyin a e ame ca ot hnyi hnyimakan Khong.

At Khet 8:13 ပူးပေါင်းရင်းမြစ်များ

Jobu 14:2

E ame o but helâ me vongon, me adre me subâ but: E ame he helâ me hmenon, kʼ ame ca tethmâ bi.

Jobu 18:5

Eke, adre me he ka ume melaminy tavat ae kong, Kʼ ame ca he ka melam bâhlân hlogon meic.

Jobu 20:5

A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

Jobu 21:30

A gʼ adre ip at ae kong hobi kâu bonginy hlöuhlöu? Me adre me hom e hnyi bonginy hmonyin.

Salamo 11:5

Iehova ame cubec at ae wisa: Ke e ame hûkotiâ at ae kong, me at ame beûokonguny eû hnyi hnyekon.

Salamo 144:4

E ûcû at me ûnyi ae ûnyi baû: Ke bonginy ta je bong e ûcû me hmenu ame hia but.

Salamo 37:1

UMA ca vec bi ge tavat adre me ânyâ ûnyi ae kong, Ke u me ca he ka huhnyinyâ tavat adre me ânyâ ûnyi ae ca wisa.

Salamo 39:5

Wâ bi, u je hia but oâ bonguk je bong helâ me je tulutiny hnyam; Ke helâke e ca ûnyi hnathu je hunaik hnyi hnyimâkâm: [Sela. Awe, thatûnyi tavat hia thithö adre op.

Salamo 55:23

Khong lö, u ma he ka hagutʼ ödra ka hnyi thopiny bobot: Haba tavat behingâlâ dra me tavat iyawo me adre me ca he bi ka möt hnyi hafiny bongudra je bong; Ke oge me he ka labageju köu.

At Khet 3:14

E khanö nya a haba hna ânyâ hnen Khong ame he ka e nyiele balua: adre me ca he ka bi hanen ka hnyin, ke adre me ca he ka ohia ûnyi hnyin: ke Khong ame ânyâ e me me ot at hnyi hnyimakan.

At Khet 5:7

Anyin ame he ka helâe can je bwi ae se hia, me je thatûnyi, me se hia je hofuc: ke u me he ka outen Khong.

At Khet 6:12

Anyin ae khanö ia ûnyi ae so ka at hnyi möt ang, hnyi ta je bonginy anyin möt ae ûnyi baû, ame möt hnyin helâ me hmenu? ke ie at ame he ka omanenâ ka at ûnyi ame he ka o hwaban e hmelen seûno?

At Khet 7:15

Wale hia wânök hnyi je bong bongon anyik hnyok baû: e hu at ae wisa ame mokcu hnyi hwakecin ae wisa, ke hu bi at ae kong ame möt beû hmâ hnyi hwakecin ae kong.

At Khet 7:18

E so u ma kât ûnyi ang; eke, ca hom hmetu hnyamâm ûnyi hnyin: anyin a haba at ame outen Khong, me ame he ka o ûnyi hnyi je ûnyi e hia.

At Khet 8:8

E ba at ame tren musi hon hanu, he ka behânâ hanu; ke ba at ame muso bong mok; ke ba at adre me hna ûnyi hnyi vat eling: kʼ ame ca he hwakecin ae kong ka omelo tavat adre me mâdrâ e.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 30:13

anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

Isaia 57:21

Haingen Khonguk, ka habe, E ba hnahic anyin tavat ae kong.

Isaia 65:20

Ame he ka ba hmetu inma adre me konâm hnyi je bong a tep thibi, ke hingat ae ca bekhot bongon je bong: anyin ame he wanakat ka mok a khaca haded ta je hunainy, ke haba at ae kong a khaca haded hunainy, me ame he bi ka hnaûhango.

Jeremia 44:10

Adre me ca vec ke ne o but hnyi bong ang, ke adre ca hia but ot, ke adre me ca vheno anyik hnanyibu, me hnok je hna hûna, waleji oge ip hnyi hnyimaköbun me lakamöbun.

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

Ioane 5:29

me he but; haba tavat adre me mâdrâ so, adre me he ka todrö ka hnyi möt; ke haba tavat adre me ânyâ hulö, me adre me he ka tot ka hnyi hnaûhangö.

Iakobo 4:14

ke so bi e ca khanʼ öbun ûnyi ame he ka o nyi. Ieû anyibun möt. Ûbun hainy meic, ame manen hnyi ûen ae okhulit, me ame hia but.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.