At Khet 7:9 - Iaai Bible 1901 (New Caledonia)

⁹ Ca logot hnyekom he ka hmonyin, anyin a haba hnyekon at ae monu, me wale hnyaban hmonyin.

At Khet 7:9 ပူးပေါင်းရင်းမြစ်များ

Genese 4:8

Ke Kaina ame thumetu Abela a keiny. Ke tiga ödru hnyi ta hnyei haba Kaina ame tot kö Abela a keiny, me hlingâ.

II. Samuela 13:22

Ke Abasoloma ame ca fuc kö Aminona, ame ne ûnyi ae kong ame ne ûnyi ae so: anyin a Abasoloma ame ikikiö Aminona, can e ame okongu Tamara a haniny.

II. Samuela 13:28

Ke Abasoloma ame hûna ka lathnyabainy, ka habe, Wâ wia öbun, e ka senyin hnyeku Aminona ge waina; ke iny ka ha köbun, ka habe, Kuc Aminona but, awe, hlingâ but e, ca ot bi, hawa, inya oge ca hûna köbun? hwege thö, me hnyok baga but.

II. Samuela 13:32

Me ame ha Jonadabu nöku Simea, liamekeiny me Davita, ka habe, Ca he bi tuhok ka ûnykûme e ga mokcu je hidröu hia je lakon than; anyin a Aminona thibi a mokcu: anyin a Abasoloma ame ip hnân, hwân hnyi bong e ame okongu Tamara hnyin a haniny.

II. Samuela 19:43

Me haba at Isaraela adre me thu ka at Juda, ka habe, Ten je ke keihen gahmun unyin than, ke ohmun e hu beönua hubun unyi Davita: ke ieû gabun öbun e hûkötiöhmun, me ca me ûhnenamö möhmun he ka ohmeto tuhöhmun? Ke e hwege hofuc hwan at Juda hon hofuc hwan at Isaraela.

Ta je Vejec 14:17

Haba at ame ie hmonyin, me ame he ka ânyâ monu. Ke adre me hûkotiâ at bihihwakecin ae kong.

Ta je Vejec 14:29

Haba at ae bec he ka hmonyin, me gan hmâ wâhmakhmeto: Ke haba at ame ie hmonyin, me ame ogânâ hwen monu.

Ta je Vejec 16:32

E nua at ame bec he ka hmonyin, hon at ae hwege; Ke nua at ame muso hnyekon hon at ame hûgûnâ taun.

Ta je Vejec 25:8

Ca ie he logot he ka ivino Wâ e nye ca khanö u ûnyi he ka ânyâ hnyi obiny, E ka hia but ohmehmö u hnen at ame laba hakekenyi u.

At Khet 7:10

Ca ha bi, ka habe, A hawa ae so je bong a bân hon je bong ang? anyin ae ca meta bi hnam hna hnö e.

Jona 4:3

Anyin a wale, Iehova lö, ö u hom dö walang ang melik; anyin ae so oge me he ka mok, hon he ka mot.

Jona 4:8

Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.

Jona 4:9

Haba Khong ame ha kö Jona, ka habe, Hawa, u ûcû he ka hmonyin ge iogum? Me e ame thu, ka habe, Iny ûcû he ka hmonyin ke ne o but mok.

Mareko 6:19

Ke ame hmönyi Herodia kâu, me behlingâ e; ke ca khana bi;

Mareko 6:24

Ke e ame didrut me ha ka hinyen ka habe, Ieû oge me he ka ha! Haba momo ame ha, ka habe, Bö Ioane bapataiso.

Iakobo 1:19

Hnyat me lakeiny mönya a oûnykûmik lö, e khanʼ öbun dut e. Ke so e he tavat hia ka ie löng, me bec he ka fuc, me bec he ka hmonyin: